Ilisimatusarfiup atuagaateqarfia
Ilisimatusarfik januaarimi 2008-mi Ilimmarfimmut nuuppoq Groenlandicamullu (nunatsinni atuagaatinik katersaasivik) katigunneqarluni.
Ilisimatusarfiup atuagaatai ungaluisigut ilisarineqarsinnaapput tungujortumik nipittartoqaramik allaqqasortalimmik ima "Ilisimatusarfik, University of Greenland, Library".
Ilisimatusarfiup atuakkat 25.000-it missaaniittut atuagassiallu 125-t pigisarai sammisanut makkununnga attuumassutillit: aningaasaqarneq/politik/allaffissorneq, oqaluttuarisaaneq/inuup ineriartorneranik ilisimatusaatit/itsarnisarsiorneq, oqaatsinik ilisimatusarneq/atuakkialerineq/tusagassiuutilerineq aammalu upperisarsiorneq. Atuakkat atuagaateqarfinni allanisulli, soorlu atuagaateqarfinni tamanut ammasuni aamma meeqqat atuarfianni atuagaateqarfinni atuakkat inissisimanerattut inississorneqarsimapput.
Atuagaateqarfimmi qarasaasiamik atuakkanut aammalu paasissutissanut tunngasunik ujarlerfigineqarsinnaasumik inissisimasoqarpoq. Atuakkat assigiinngitsut amerlassusaat adressemut uunga www.katak.gl/sites/UNIW/pub/search.html iserluni takuneqarsinnaapput/ujarlerfigineqarsinnaapput.
Aamma atuakkat assigiinngitsut Ilisimatusarfimmi Groenlandicamilu amerlassusaat alakkarterneqarsinnaapput aammalu atuakkat atukkat atorneri sivitsorneqarsinnaallutik uani: www.katak.gl/sites/ILIW/pub/search.html
Atuakkanik atorsinnaatitaaneq qaammammik ataatsimik sivisussuseqarpoq atuagaatilerisorli isumaqatigiissuteqarfigalugu atuakkat sivisunerusumik atorneqarsinnaallutik assersuutigalugu allaaserinninnermi atorfissaqartikkaanni, taamaaliornermi atuakkat aatsaat uterteqquneqarsinnaallutik inuup allap atuakkat atorfissaqartippagit.
Atuagaateqarfik Ilisimatusarfimmi ilinniartunut iliisimatusartunullu taamaallaat atortitsisarpoq.
Atuagaateqarfik pillugu nalornissuteqaruit ikiortissannilluunniit amigaateqaruit ATUAGAATILERISOQ APERIUK. Assersuutigalugu atuagaatilerisup atuakkat atugassatit ujarnerini ikiorsinnaavaatit, atuakkat allanit atorneqarsimasut atorfissaqartitatit uterteqqusinnaallugit ilinnulluunniit inniminnersinnaallugit aammalu atuakkat/atuagassiat atuagaateqarfinnit allaneersut, soorlu Danmarkimit nunanilluunniit allanit pissarsiarisinnaallugit.
Atuagaatilerisumi kopimaskiinamik printerimillu atuisinnaanermut pisisinnaavutit (assersuutigalugu kopiit 1000-it 100 kr.-mut), aammalu kopimaskiinap atornissaanut kode isissutissaq atuagaatilerisumit pissarsiarisinnaallugu.
Ilisimatusarfiup atuagaatilerisoraa Bolethe Olsen
Ulluinnarnilu nal. 9-12 aamma 13-16 akornanni pissarsiarineqarsinnaalluni. Toqqaannartumik tlf. 36 23 85
E-mail: bibliotek@uni.gl