Oqaluttuarisaaneq

Oqaluttuarisaaneq

Inuiaat Piorsarsimassusaasalu Oqaluttuarisaaneranni atituumik kiisalu assigiinngitsorpassuarnik oqaluttuarisaanermik tunngaveqartumik piorsarsimassutsimik inuiaqatigiinnullu tunngasunik issittumi pissutsit qitiutillugit paasisaqassaatit.

Ilinniagassatit tassaassapput oqaluttuarisaanerup ingerlanera maani Nunarsuarmi ukiut 200.000 matuma siorna inoqaleqqaarmalli ullumikkumut pingaarnerutillugit 1500 kingorna pisimasut.

Download venligst gældende studieordning for at læse mere om adgangskravene til uddannelsen (du finder studieordningen til højre)

Ilinniartitaanermi oqaluttuarisaaneq aamma antropologi ilaapput. Tamakku saniatigut inuiaqatigiilerinermut aamma itsarnisarsiornermut tunngasut sammineqartarput. 

Nunarsuaq tamakkerlugu sammineqartarpoq oqaluttuarisaanermut aamma antropologimut tunngasuni, kisianni ilinniagaqarnerup ingerlanerani sammineqartuni amerlanerni kalaallinut qanittut aallunneqalersarput, tamatigulli nunarsuaq tamakkerlugu pissutsinut tunngasut kiisalu ilisimatusarnerit tunngavigalugit.

Ilinniagaqarnermi ingerlaviit marluk toqqarsinnaasatit tassaapput: Ukiuni tallimani ilinniagaqarfigalugu Inuiaat piorsarsimassusaasalu oqaluttuarisaanerat tassani inuup ineriartorneranik ilisimatusaatit aamma oqaluttuarisaanermut tunngasut assigiimmik sammineqarput, imaluunniit toqqarsinnaavaat oqaluttuarisaaneq pillugu ilinniagaqarneq tassunga ilanngullugu fagi ilinniarnertuunngorniarfimmut naleqquttoq (kalaallisut assersuutigalugu). 

Taaneqartoq kingulleq tassaavoq ilinniagaq faginik marlunnik ingerlatsiviusoq, taannalu ukiuni tallimani sivisussuseqarpoq (fagi pingaarneq ukiut 3½, fagip aappaa ukiut 1½), tamannalu ilinniarnertuunngorniarfinni ilinniartitsisunngornissamut tulluarsagaalluni aaqqissuussaavoq.

  • Ilinniarnertuunngorniarfinni oqaluttuarisaaneq pillugu ilinniartitsisutut (nalinginnaasumik saniatigut ilinniarnertuunngorniarfinnut fagi tunngasoq ilanngullugu naamassisimagaanni)
  • Toqqorsiviit, katersugaasiviit ilaalu ilangullugit
  • Tusagassiorneq aamma atuakkanik saqqumersitsiviit
  • Takornariaqartitsineq aamma allat, kulturi pillugu paasissutissiisinnaanermik pingaartitsiviusut
  • Pisortat ingerlatsivii
  • Qaffasinnerusumik ilinniarfinni ilinniartitisineq aamma ilisimatusarneq

Ilinniagaq pillugu paasisaqarnerorusukkuit ilinniartunik siunnersuineq attavigissavat iml.:

 

Gitte Adler Reimer (Tróndheim)
Instituttip pisortaa, immikkoortortaqarfimmi pisortaq, lektori, ph.d.
Kulturimik, Oqaatsinik Oqaluttuarisaanermillu Ilisimatusarfik
Inuiaat Kulturiannut Oqaluttuarisaanerannullu Immikkoortortaq
Ilimmarfik, Manutooq 1 
Postboksi 1061 
3900 Nuuk
Oq.toqq.: +299 38 56 52
Ini: C219
E-mail: gitr@uni.gl

Tutor Marius Elisasen: mael@ks.uni.gl

Ulloq qinnuteqarfissap killinga 01.03.2017
Aallaqqaat Septembari
Sumiiffik Ilimmarfik
Qinnuteqarneq Siunnersuineq