Ilinniartunik siunnersuineq

Ilinniartunik siunnersuineq

Ilinniarninnut tunngasunik ikiorneqarnissannik siunnersorneqarnissannilluunniit atorfissaqartitsiguit ikiussallutit piareersimavugut.

Ilinniartunik siunnersorti piareersimavoq ilinniarnermut tunngasunik siunnersuillunilu ilitsersuinissaminut, soorlu makkununnga tunngasunik:

  • Ilinniagaqarnersiutit
  • Kollegiani inissat
  • Angalanerit
  • Ilaqutsisarluni ilinniariarneq 

Ilinniartunut siunnersorti makku aamma pillugit siunnersuisinnaavoq:

  • Ilinniakkat imaat aaqqissuunneqarnerallu
  • Ilinniakkat qanoq nanginneqarsinnaanerannut naammassigaannilu suliffissaqarnissap tungaasigut periarfissat
  • Ilinniartutut illit sunik piumasaqarfigineqarnersutit
  • Ilinniartutut tiguneqassaguit sunik piginnaaneqartariaqarnersutit
  • Ilinniakkat aallartikkukku ilinniarninnut ilinnulluunniit tunngasut
  • Ilinniarnermi periaatsit, soorlu atuarnermut allannermullu teknikkit
  • Ilinnut ilinniartuuninnulluunniit tunngasut linniarninnut sunniuteqartut

Inuuninni ajornartorsiuteqaruit ilinniarninnut sunniuteqarnerluttunik ilinniartunut siunnersorti aqqutigalugu psykologimut inersuunneqarsinnaavutit.

 

Assigiinngitsut sisamat aqqutigalugit siunnersuisoqarsinnaavoq:

 

1. Takkutiinnarluni

Apeqqutissaqaruit sivisunerusumik oqaloqateqarnermik pisariaqartitsinak – ilinniartunik siunnersortimut alakkaassinnaavutit (oqaloqatigiinnissamik inniminniinngikkaluarlutit).

 

2. Onlinemik inniminneeqqaarluni oqaloqateqarneq

Oqaloqateqarnerit assigiinngitsut marluk innniminnerneqarsinnaapput:

  • Oqaloqateqarneq 1: oqaloqateqarneq 25 minutsinik sivisussusilik ilinniarnerit pillugu apeqqutinut aalajangersimasunut tunngasoq
  • Oqaloqateqarneq 2: oqaloqateqarneq 45 minutsinik sivisussuilik ukuninnga imaqartoq: ilinniarneq pillugu nalornineq, kajumissuseqannginneq, stresserneq, sunngornissamik eqqarsaatit imalt.immikkut pineqarnissamik kissaateqarneq

 

3. E-mailikkut siunnersorneqarneq

E-mailip qulaatigut (emnefeltiatigut) ilinniakkat allaguk, taava pilertornerusumik akineqassaatit.

Ullut suliffiit 1-3 ingerlaneranni akissaanga. E-mailii uunga nassiuguk:  agad@uni.gl

 

4. Oqarasuaatikkut siunnersuineq

Aamma sianerlutit siunnersorneqarsinnaavutit - normora toqqaannartoq:  38 56 23 ilinniartunik siunnersorti.

 

  • Ataasinngornikkut Ilimmarfimmi
  • Marlunngornikkut Ilinniarfissuarmi
  • Pingasunngornikkut Ilimmarfimmi
  • Sisamanngornikkut Ilinniarfissuarmi
  • Tallimanngornikkut Ilimmarfimmi

 


Ilinniarneq pillugu ilitsersuisoq

Agathe Adolfsen

Oq.toqq.: +299 38 56 23

E-mail