Psykologimut inersuunneqarsinnaavutit

Psykologimut inersuunneqarsinnaavutit

Uagut suliassaraarput illit ikorfartussallutit siunnersussallutillu

Neqeroorutigaarput inummiit inummut ingerlatanik oqaloqatiginnittarnerit taamalu piffissap sivisunngitsup ingerlanerani inuit ataatsimoortillugit ingerlatsinerit aallartisarneqassallutik. Neqerooruterput akeqanngilaq. Inuit ataasiakkaarlugit ingerlatsinerit nalinginnaasumik oqaloqatiginninnernik 4-6 amerlassuseqartarput, periarfissaqarlunili oqaloqatiginninnerit 10 tikillugit ingerlatsinissamut. Inuit ataatsimoortillugit ingerlatsinerit qanoq sivisutigisumik ingerlanneqarnissaannut, akimmiffittut oqaasinngortitsiviginiagassatullu sammiviginiagaq apeqqutaassaaq. Neqeroorutit sapinngisamik ilinniartut pisariaqartitaannut naleqqussarneqassapput, saniatigut suliniutit periutsillu atorneqartut iluaqutaanerisa nalilersuivigineqarnerat ingerlanneqassalluni. Uani takusinnaavatit, akimmiffiit sorliit uagut aqqutigaluta ikorfartorneqarnissamik ujartuivigineqarsinnaanersut.

Qanoq ilillunga oqaloqatiginnittarnernik aallartitsisinnaavunga

Inooqataanikkut Tarnikkullu Siunnersuisarfimmut innersuussineq nalinginnaasumik ilinniartunut ilitsersuisoq aqqutigalugu pisarpoq. Peqqutaakkajulluni illit misigigakku, ilinniartunut ilitsersuisutut ilinniarsimasup tunniussinnaasai qaangerlugit pisariaqartitsillutit imal. peqqutaasinnaallunissaaq siunnersorneqarnissamik imal. katsorsarneqarnissamik pisariaqartitsinerup erseqqissaaneq. Takukkit  assersuutit iserfissami Ikiorserneqarit.

Atuaruk: www.vejledning.gl.


Ilinniarneq pillugu ilitsersuisoq

Agathe Adolfsen

Oq.toqq.: +299 38 56 23

E-mail