Nutaarsiassaq: Qimmeqarnermik kulturimik annaassiniarneq

Nutaarsiassaq: Qimmeqarnermik kulturimik annaassiniarneq

20.07.2017

Ceeg7381 Sled Dog Trend 496

Antallet af slædehunde i perioden fra 1990 - 2015 (Foto: Carsten Egevang)

Quppersagaaraq siunnersuutinik 22-nik qimmeqarnermut kulturip attatiinnarneqarnissaanut ineriartortinneqarnissaanullu tunngasunik imalik juulip 20-ani saqqummersinneqarnissaminut piareerpoq. Quppersagaaqqap siunertaaraa qimmeqarnermut kulturip tammariartornissaata pinngitsoortinnissaanut iliuutsit suut iliuuserineqartariaqarneri erseqqissarnissaat. Ilassinninneq Sisimiut Katersugaasivianni ingerlanneqassaaq. 

Nunat assigiinngitsut naapeqatigiinnerat qimmussernermut kulturi pillugu ataatsimiinnermik ilalik, Arctic Nomads, aallartitanik issittumi inuit nunaanneersunik peqataaffigineqartoq 2016-imi novemberip/decemberip qaammataa Sisimiuni ingerlanneqarpoq. Ataatsimiinnermi qimussernermut kulturip asiutinnginneqarnissaanut siunnersuutit 22-t suliarineqarput. Taakkulu maanna quppersagaaqqatut saqqummersinneqarput. Quppersagaaq kalaallisut, tuluttut, qallunaatut russisullu allagaavoq. 

”Sakkussaq pingaarutilik”

Ilinniartitaanermut, Kultureqarnermut, Ilisimatusarnermut, Ilageeqarnermullu Naalakkersuisoq, Doris Jakobsen Jensen, siunnersuutit suliarineqarneranni peqataavoq. Jakobsen Jensen-ip nunatsinni qimmeqarnermut kulturip attatiinnarneqarnissaanut ineriartorteqqinneqarnissaanullu politikkikkut sulinermini atorusuppai. Imalu oqarpoq: ”Siunnersuutit inunnit ulluinnarsiutingalugu qimussernermik sammisaqartunit suliaapput. Taakkulu qimminut qimuttunut qimussertartunullu atugassarititat pitsannguiffiginissaannut sakkussaapput pingaarutillit”.

“Kulturerput attatiinnassavarput"

Qimussertartoq qamusiortorlu, Sisimiuniit Hans Peter Kreutzmann, siunnersuusiornermi peqataasoq imak tapiliussivoq: ”Kulturerput attatiinnassavarput, iliuuseqanngikkutta ukiut arlaqanngitsut qaangiuppata qamutinik motoritortunik ”nerineqassaaq”. Neriuutigaarput quppersagaaq atorlugu inuusuttut qimussernissamut kajumilersissinnaajumaarlutigit. Qimussertarneq inooriaasaavoq. Piffissamik nukinnillu tigusisarpoq, taamaattorli imminut akilersinnaavoq". 

Quppersagaaraq kulturimik suliaqartumik NEBULA-mik saqqummersinneqarpoq.

 

Sumi: Sisimiut Katersugaasiviat

Qaqagu: Sisamanngorneq juulip 20-at nal. 16:30

Kikkulluunnit tikilluaqqusaapput

 

Attavissaq: Pipaluk Lykke Løgstrup, aaqqissuisoq: (+299) 53 46 76 / natuluk@gmail.com / Hans Peter Kreutzmann, qumussertartoq (+299) 52 54 33



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk