Qimmeq Katuami

Qimmeq Katuami

07.10.2017

Kalaallit qimmeqarnikkut kulturiat nunarsuarmi immikkuullarissuuvoq, maannakkullu allanngoriartorluni. Qimmimmi qimuttut amerlassusaat ikiliartorput. 1990-ikkunni 30.000-it sinnerlugit qimmeqarsimangaluartoq 2015-imi 15.000-init ikinnerulersimapput. Arlaqartunillumi qimmeqarnerup siunissaa aarleqqutigineqalersimavoq.

Piviusoq tamanna ilisimatusarnikkut suliniutip Qimmeq-p politikerit, qimussertartut allallu kalaallit qimmiannut qimmeqarnermullu kulturimut soqutiginnittut suleqatingalugit allanngorusuppaa.

Taamaammat pingasunngorneq 11. oktoberi nal. 16-18  Qimmeq oqalugiarnermut, oqallinnermut, filminillu naatsunik marlunnik saqqummersitsinissamut qaaqqusivoq.

Qaagit tusarlugulu

  • Suliniuteqartunit siunnersuutit 22-t qanoq isiornikkut qimmeqarnermut kulturip siunissami attatiinnarneqarnissaanut ineriartortinnissaanullu tunngasut
  • Aggerit tusarlugillu politikerit qimmeqarnerup siunissaa pillugu eqqarsaataat takorluugaallu.
  • Aggerit tusarlugulu ilisimatusarnikkut suliniut Qimmeq, ilisimasanik qimmeqarnermut tunngasunik atuarfinnut, innuttaasunut, nunarsuarmullu tamarmut ingerlateqqitassanik katersiniartoq.
  • Aggerit peqataaffingalugulu filmeeqqat marluk saqqummersinneqarnerat. Filmeeqqat qimmiutillit marluk qimmeqarnermut siunissamullu eqqarsaatersuutaannik imaqarput

Naapinnermi ilaatigut peqataassapput Aalisarnermut Piniarnermullu Naalakkersuisoq Karl Kristian Kruse, Naalakkersuisoqarfimmi pisortaq Lone N. Møller, Inuussutissarsiornermut Naalakkersuisoqarfimmiit, Pipaluk Løgstrup Arctic Nomads-imiit, kiisalu Qimmeq-miit ilisimatuut siammarsaasullu.

Facebook-ikkut suliniummik aallartitsineq

Qimmeqarnermut kulturi pillugu ilisimatusarluni Qimmeq-mi ph.d.-nngorniartoq Manumina Lund Jensen aamma naapinneqarsinnaassaaq. Katuami aaqqissuussamut atatillugu Manumina Lund Jensen Facebook-ikkut suliniut saqqummersissavaa, malitsiganillu Kalaallit Nunaanniittut Danmarkimiittullu qimmeq qimuttoq pillugu oqaluttuassaatiminnik avitseqateqarnissaannut qaaqqussallugit.

Sumi qaqagulu

Katuami ikinngutigiit inaanni, Nuuk

Pingasunngorneq 11. oktoberi nal. 16-18

Kaageqarlunilu kaffeqassaaq.  Aaqqissuussaq akeqanngilaq tamanullu ammalluni.

Attavissat

  • Professori Morten Meldgaard, Ilisimatusarfik (581955, mome@uni.gl)
  • Attaveqaqatigiinnermi ikiorti Ulunnguaq Markussen (581391, ulum@uni.gl)
  • Ph.d.-nngorniaq Manumina Lund Jensen (485200, maln@uni.gl)


Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk