Ilimmarfimmi Unnuk Kulturisiorfik

Ilimmarfimmi Unnuk Kulturisiorfik

20.01.2018

Ilaqutariinnut tulluuttumik eqqorniaatitsisoqassaaq
Katuami inunnut pingasunut bilitsinik eqquisoqarsinnaalluni

 

Nunatta Allagaateqarfia

Umiarsuit – unnuk kulturisiorfimmi angalaneq  nal. 13.00 - 22.00.

Unnuk kulturisiorfimmi meeqqat aammalu inersimasut "meeraasaarusuttut" unnuk angalaffigalugu peqataasinnaapput. Angalaneq "umiarsuarnut ilaalluni" ingerlassaaq, meeqqat angajoqqaallu angalasut allattaavii atorlugit "umiartussapput" apeqqutinillu akisassanik suliaqassallutik. Angalanerup naammassinera akissarsiartaqassaaq. Unnuk kulturisiorfimmi angalaneq pissaaq Nuummi Eqqumiitsulianik Saqqummersitsiviata saqqummersitaani taaguuteqartumi - Umiarsuit/Skibene, Nunatta Allagaateqarfiani (Ilimmarfimmiittumi) aammalu Nunatta Katersugaasiviani. Nammineq angalasup aalajangissavaa suminngaaniit aallartissanerluni.

 

Groenlandica

Saqqummersitsineq – illoqarfiit aviisii: Nunatsinni illoqarfiit aviisii amerlasoorpassuit saqqummertarsimapput, taakkulu paasissutissarpassuarnik iluatinnartunik imaqarput.

Aviisit ilaat takusassiarissavagut, tunuliaqutaat oqaluttuaralugit siammarternissaannullu Groenlandicami qanoq takorluugaqarnerluta oqaluttuaralugu.

Illoqarfigisanni aviisi saqqummertarsimasoq ilaanersoq aggerlutit takusaruk!

Paasisitsiniaaneq – Inatsisit malillugit tunniussisussaatitaaneq: Inuiaqatigiit kulturiat tammatsaalissallugu pingaartuuvoq – kulturi assigiinngitsunik aallaaveqarluni oqaluttuartarpoq.

Groenlandicap naqitanik elektroniskimillu saqqummersitanik tammatsaaliuinermini inatsisit malillugit tunniussisussaatitaaneq tunngavigaa.

Aggerlutit toqqorsivitsinni katersaatitta ilaat, erlinnartuutiginerpaasagut aammalu saqqummersitat nalinginnaalluinnartut, takusakkit.

“Nipaatsumik akitsorserussineq”: Atuakkat kalaallisuut saqqummerneri siulliit takuneqarsinnaapput akitsorterunneqarnerinilu neqeroorfigineqarsinnaallutik.

Atuakkanik tuniniaaneq: Aggerlutit iluatsitsigit! Atuakkat sinneruttut 2 koruunimiit tuniniarneqassapput.

 

Oqaasileriffik nal. 19.00 - 21.00

Oqaasiliortut suliaannit, Nunat Aqqinik Aalajangiisartut suliaannit, Inuit Aqqinullu tunngasunik aamma paasisaqarsinnaavusi.

Oqaatsinut tunngasunik aamma nalorsitsaaruteqassaaq.

 

Naatsorsueqqissaartarfik

Kalaallit Nunaanni pissutsinik soqutigisaqarpit?

Taamaappat Unnuk Kulturisiorfimmi Naatsorsueqqissaartarfik Ilimmarfimmut takusariuk.

Ukuninnga unammisitsissaagut:

  • Kisitsisit kukkusat tallimat nanikkit
  • Meeqqat titartagaat nuannernerpaat

Eqquisut Katuami filmertarfimmut billetsinik marlunnik akissarsitinneqassapput.



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk