Greenland Perspective

Greenland Perspective

Kalaallit Nunaat silatut ippoq: Oqallisaasaqaaq kisiannili iliuuseqarfigineqarpiassanani.

Ukiuni qulikkuutaani Kalaallit Nunaat ilisimasassarsiorusuttunit assut kajungerineqartarsimavoq.

Ukiunili taaneqartuni aamma naluneqanngilaq, Kalaallit Nunaanni ilisimasassarsiornerit iluini, ikittuinnartigut ingerlanneqartut inuiaqatigiinnut kalaallinut iluaqutinngortarsimammata, soorlu suliffeqarfinnik pilersitsissutaasunik.

Ilisimatusarnerit annertuumik Kalaallit Nunaanni pinngor-titamut inuiaqatigiinnullu tunngasunik aammalu pinngortitami pisuussutinik ilisimaligarpassuarnik malitseqartarput, kisiannili qaqutiguinnaq ilisimalikkat inuiaqatigiinni kalaallini pisariaqartinneqaraluaqisumik ineriartortitsinermik assigisaanillu malitseqartarlutik.

Ilisimatusarfiup København-imilu Universitetip suleqatigiissutaanni, Greenland Perspectiveimik taaneqartumi – allannguinissaq siunertaavoq.

Ingerlanniarneqartoq ammasuuvoq, soqutiginnittut assigiinngitsut kikkulluunniit peqataaffigisinnaassaat. Tassani ilisimasassarsiortartut, inuussutissarsiornermik ingerlataqartut, oqartussaaffeqarfiit inuinnaallu aggersarneqarput suleqatigiinnissamut, peqatigiilluni misissorumallugit Kalaallit Nunaanni suut pigineqarnersut qanorlu tamakkununnga iliortoqarsinnaasoq – pisuussutsit uumaatsut uumassusillillu innutaasullu pineqartillugit.

Kalaallit Nunaat suua? Kalallit Nunaat susinnaava? Qanorlu iliorluni pigisat immikkuullarissuserlu Kalaallit Nunaata pigisani nunarsuarmi unammilleqatigiinermi – asuli allat pisarnerattut assiliiginnarunnaarluni - ingerlaniarnermi iluaqutigisinnaavai?

Anguniagaq tassaavoq ilisimatusarnerup iluani suleqatigiinnikkut, soorlu ilaatigut inuutissarsiornermik ingerlatsisunik, siammasissumik ineriartornermut tunniussaqarsinnaanissaq – soorlu suliffissanik nutaanik pilersitsinikkut – nalinginnaasumimmi naluneqanngitsutut tamanna Kalaallit Nunaannit pisariaqartinneqaqimmat.

Ilisimatusarneq immaqa akissummik tunniusseqataasinnaavoq. Inussutissarsiortunillu suleqateqarneq tunisassianik ineriartortitsiviusinnaavoq minnerunngitsumillu misileraaffiusinnaalluni, paasiumallugu ilisimasassarsiornikkut ilisimalikkat piviusumi iluatinnaateqarnersut.

GP ammasumik suleqatigiiffissiaavoq, pilersaarummiit pilersaarummut aningaasalersugaasartoq, tassani pisariaqartinneqarluni ilisimatusartutut peqataasut suliffeqarfiillu namminneq pigisaminnik piginnaasaminnillu tunniussaqarnissaat, soorlu aningaasanik, ilisimasanik aammalu misissuinissamut piginnaassutsiminnik.

Peqataalernermi iluaqutaasussaq tassaavoq, misissuinermut suleqateqarsinnaanermullu atatillugu nunarsuarmi attaveqalerluni suleqateqalersinnaaneq, immaqa siusinnerusukkut iluaqutigisinnaanerlugit ilisimanngisanik.

Suliffeqarfittut isumassarsisimagaanni, oqaloqatiginnissutigerusutamik, taava ingerlannartup siuttuanut ilisimatuumut Minik Rosing-imut attaveqarnissaq tikilluaqquneqarpoq.


Attavissat

Assigiinngitsut aqqutigalugit attavigisinnaavatsigut

Atuaruk

Paasisimasalik

Immikkut ilisimasalittavut ajornanngitsumik attavigikkit

Atuaruk