Suliffissat ingerlariaqqiffissallu

Suliffissat ingerlariaqqiffissallu

Ilisimatusarfik - suliffissat ingerlariaqqiffissallu.

Ilisimatusarfimmi studieadjunktitut/ Peqqissaasunngornianut ilinniartitsisutut atorfik ataaseq 1.3.2018-imi isumaqatigiissuteqarnikkulluunniit sulilersussamik inuttassarsiorparput.

Suliassat

  • Peqqissaasunngornianik ilisimatusarfiusunilu allani atuagarsornermik periutsinillu ilinniartitsineq 
  • Soraarummeerutissanik suliaqarnermi suliniutinillu suliaqarnermi ilitsersuisarneq
  • Suliffiit misiliiffiusartut ilinniartullu suleqatigalugit ilinniartut suliffimmi misiliisarnissaat
  • Ilinniartitaanerup ilisimatusarnertut ingerlanneqarsinnaalernissaanut pilersaarusiorluni ineriartortitsillunilu suliassat. 
  • Piginnaasat aallaavigalugit suliniutinut ineriartortitsinermut ilisimatusarnermullu tunngasunut peqataasarneq

Neqeroorutigisinnaavarput

  • Suliassat annertuumik namminersuutigineqarsinnaasut
  • Ilinniarfimmi piorsarsimassutsikkut assigiinngisitaaqisumi ilinniartitsineq piginnaanngorsaanermillu ineriartortitsinermi suliassatigut perorsaanermilu unammilligassaqarluartoq
  • Ilisimatusarnikkut ineriartorfiusumi suliassat
  • Suleqatit tunniusimalluarlutillu piumassuseqarluartut 
  • Piorsarsimassusermik pinngortitamiluunniit nuannarisaqaruit taakku aallunnissaanut periarfissagissaarputit (pasissutissat uani atuakkit: www.nuuk.gl) 

Piginnaasassat

  • Ilinniartitsisarnermik tunngaviusumik ilinniakkamillu aallaavilinnik siunnersuisarnermik misilittagaqassaatit 
  • Ilisimatusarnermik suliassanillu ineriartortitassanik ilisimasaqarnerulernissat misilittagaqarnerulernissallu soqutigisarissavat 
  • Peqqissaasutut toqqaanartumik sulisimanermik misilittagaqassaatit
  • Peqqissaasutut Kalaallit Nunaanni akuerisamik allagartaqassaatit 
  • Kanditatitut soraarummeersimasuusaatit 

Qinnuteqarnissamut killissarititaq: 19. januar 2018.

Sapaatit akunnerani 4-mi oqaloqatiginninnerit ingerlanneqassapput.

Akissarsiat atorfinitsitaanermilu atugassarititat

Kalaallit Nunaanni Namminersorlutik Oqartussani kommuninilu tjenestemandit pillugit Inatsisartut inatsisissaat nr. 5, 14. maj 1990-imeersoq aammalu Namminersornerullutik Oqartussat Peqqissaasut Kattuffiatalu piffissami 2011-2015 Tjenestemandit pillugit isumaqatigiissutaat naapertorlugit atorfinitsitsineq ingerlanneqassaaq. Isumaqatigiissutit pillugit paasissutissat aningaasaqarnermut naalakkersuisoqarfiup ataani uani www.nanoq.gl imaluunniit uani www.pk.gl atuarneqarsinnaapput.

Sulisitsisoq sulinngiffeqarnissamut aningaasaateqarfimmut akiliuteqartassaaq, sulisorlu ukiut marluk atorfeqareernermi kingorna akiliunneqarluni sulinngiffeqarnissaminut qinnuteqarsinnaalissaaq. Aalajangersimasumik atorfillit atorfininnermut suliunnaarnermullu atatillugu akiliunneqarlutik angalasinnaatitaapput aammalu pequtit assartorneri akiliunneqarluni assartorneqarsinnaallutik.

Ineqarneq

Atorfimmut atatillugu inissaqartitsisoqanngilaq. Qinnuteqartoq Namminersorlutik Oqartussani atorfigeriikkani aqqutigalugu ineqartinneqareersimappat inigisaq innersuuneqarsimasoq tigummiinnarneqarsinnaavoq. Atorfimmut atatillugu inigisaq atorfimmut atatillugu inigitinneqartarpoq, atorfiullu qimattussanngorneranut atatillugu qimanneqartussaalluni.

Atorfik atorfininnermilu atugassarititat pillugit annertunerusumik paasisaqarusuttoqaruni Institutleder Suzanne Møller sum@uni.gl attavigineqarsinnaavoq.

Qinnuteqaat

Uppernarsaatit soraarummeersimanermillu uppernarsaatit kiisalu siusinnerusukkut atorfigisimasat pillugit uppernarsaatit, oqaaseqaatit aammalu ilisimatusaatigisimasat allattorneri Peqqissaasunngornianut ilinniarfimmut uunga nassiunneqassapput: Institut for Sygepleje og Sundhedsvidenskab mail-ikkut: sum@uni.gl assilinera uunga nassiullugu personale@uni.gl

Kalaallit Nunaanni akuerineqarnissamik qinnuteqaat immersoriigaq qinnuteqaammut ilanngullugu nassiuteqquneqarpoq  Akuerineqarnissamik qinnuteqarnissamut immersugassaq nittartakkami uani nassaasaavoq www.nanoq.gl/naalakkersuisut/departementer/landslægeembedet.

Ilinniarfissuaq Nuummiippoq Ilisimatusarfimmut atalluni. Ilinniarfissuarmi ilinniartinneqartarput meeqqat atuarfiini ilinniartitsisussat 180-it missaanniittut, 30-llu missaanniittunik sulisoqarluni.

Ilinniarfissuarmi kantinaqarpoq anginngitsumik, tassanilu Ilisimatusarfimmit ullaakkorsiutinik ulloqeqqasiutinillu tuniniaasoqartarpoq. 

Sapaatip-akunneranut 30 tiimit suliffiupput. 

Suliassatit makkuupput

  • Ilisimatusarfimmit nerisassanik isumaginninneq piareersaanerlu
  • Ullaakkorsiutinik ulloqeqqasiutinillu piareersaallunilu tuniniaaneq
  • Kantiinamik eqqiaaneq 

Illit

  • Kantineassistentitut assingusumilluunniit ilinniagaqarsimassuutit

Ullormut qanoq sulitigisarnissaq Ilinniarfissuarmi pisortamut isumaqatigiissutigineqassaaq.

Atorfik pillugu paasisaqarnerusinnaavutit uunga saaffiginninnikkut: Ilinniartitsinermik Ilisimatusarfimmi pisortaq Britta Lohman, oq. 385705 imalt. e-mailikkut: blo@uni.gl.

Akissarsiat atorfininnermilu atugassarititaasut

Akissarsiat atorfininnermilu atugassarititaasut atuutissapput Naalakkersuisut kattuffiullu ilaasortaaffigisap isumaqatigiissutaat naapertorlugit. 

Atorfimmut atasumik inimik innersuussisoqarsinnaanngilaq. 

Qinnuteqaat Ilisimatusarfimmit tiguneqarsimassaaq kingusinnerpaamik 19. januar 2018.

Qinnuteqaat soraarummeersimanermut uppernarsaatitalik oqaaseqaatitalillu ”Stillingsansøgning Kantineassistent”-imik qulequtserneqassaaq Ilinniartitsinermi Ilisimatusarfimmi pisortamut qaatiguuliorneqassalluni.

Aningaasaqarnermut Aqutsinermullu Immikkoortortaqallaffissornikkut sulianik isumaginnittussamik sulisussarsiorpoq. Qinnuteqartut AC-itut ilinniagaqarsimasut salliutinneqassapput.

Atorfik atorfiup tamarmiusup 20%-eraa agguaqatigiissillugu sap. akunneranut nal.ak. arfineq-pingasut miss.

Immikkoortortaq Inuiaqatigiilerinermik, Aningaasaqarnermik Tusagassiornermillu Ilisimatusarfiup ataani immikkoortortat sisamaasut ilagaat, tassanilu ilinniagassat tassaapput  erhvervsøkonomitut BA (HA) aamma HD 2. del. Taakku saniatigut ilinniaqqinneqarsinnaasut allat ineriartortinneqarput. Ilisimatusarfiup allaffissornikkut sullissisui ilinniakkanut tunngasutigut qanimut suleqatigineqarput. 

Suliassat pingaarnerit

Suliassat ilinniarnermut attuumassuteqartut:

  • Suliassat ilinniakkanut tunngasut
  • Matrikelimi nalunaarsuiffiit nakkutigalugit, soorlu holdit allassimaffii takkuttarnerillu nalunaarsorneri
  • Ilinniakkat nalunaarsuiffiat ineriartortillugu nutarterlugulu
  • Skemat allanngussagaangata  ilinniartitsisut suleqatigalugit ataqatigiissaarisarneq, ininik atuarfiusussanik inniminniineq ininillu atugassanik piareersaaneq
  • Ilinniartitsisut avataaneersut pillugit paasissutissanik katersineq kiisalu uppernarsaatinik pissarsiniarneq
  • Censorit pillugit uppernarsaatinik pissarsiniarneq
  • Ilinniaqqittarnernut tunngatillugu allaffissorluni suliassat

Aningaasaqarnikkut allaffissornikkullu suliassat allat:

  • Immikkoortortap ilisimatusarnermik suliaasa missingersuutaannik naatsorsuutaannillu suliaqarneq 
  • Nittartakkamik nutarterineq
  • Ataatsimiinnerni imaqarniliorneq 
  • Suliassat takkuttut, soorlu aaqqissuusanik annertuunik aaqqissuussinerit

Suleqatissarput makkuninnga piginnaaneqassaaq

  • IT-mik atuisutut piginnaasat nalinginnaasut, pingaartumik Excelimik Outlookimillu
  • Suleqatiginnillaqqissuuneq, pisussaassutsimik ilaginnaasannginneq sullissillaqqissuunerlu 
  • Suliassanik tulleriiaarillaqqissuseq aqqiissutissarsiullaqqissuserlu, kiisalu ingerlatsinermi ineriartortitsinermilu suliassanut suleqataarusussuseq 
  • Suliassanik arlalinnik ataatsikkut suliaqarsinnaaneq
  • Allaffissornermik aningaasalerinermillu misilittagaqarneq pingaartinneqassaaq, ajornanngippallu marluinnik oqaaseqartuuneq (kalaallisut/danskisut) tuluttullu piginnaasaqarneq

Inummik nammineerluni sulisinnaassuseqartumik suliffimmilu ilinniagaqarfiullunilu ilisimatusarfiusumi sulisinnaassuseqartumik sulisussarsiorpugut. Pingaartipparputtaaq suliffimmi assigiinngisitaartunik suliaqarfiusumi sulisinnaanissat, soorlu ilisimatusarnermi ilinniarnermilu nunanik allanik suleqateqarluni ingerlatsinermi.

Annertunerusumik paasisaqarusukkuit (soorlu atorfiup suliassallu allaaserineqarneranik piumallutit) immikkoortortami pisortaq Anne Lise Kappel saaffigisinnaavat oq. + 299 38 56 42-mut mailikkulluunniit alka@uni.gl-imut.

Akissarsiat atorfimmilu atugassarititat

Akissarsiat atorfimmilu atugassarititat Naalakkersuisut kattuffiullu attuumassuteqarfigisap akornanni isumaqatigiissutit naapertorlugit aalajangersarneqassapput.

MALUGINIARUK: Atorfimmut atatillugu inissaqartitsisoqanngilaq. Qinnuteqartoq Namminersorlutik Oqartussani atorfeqarnermini inissaqartinneqareersimappat pisinnaatitaaffik taanna attatiinnarneqassaaq.

Qinnuteqaat

Qinnuteqaat CV-imik, ilinnigarisimasanik uppernarsaatinik aammalu oqaaseqaataajunnartunik ilalik qarasaasiakkut uunga nassiunneqassaaq: job@uni.gl imaluunniit www.nanoq.gl-imi jobportalen aqqutigalugu.

Qinnuteqarnissamut killissarititaasoq: 29. januar 2018.

Ulloq sulilerfissaq: 1. februar 2018 imaluunniit isumaqatigiissuteqarneq naapertorlugu tamanna sioqqullugu.

Inuiaqatigiilerinermik, Aningaasaqarnermik Tusagassiornermillu Ilisimatusarfimmi isumaginninnermik siunnersortinngorniarfik pisortassarsiorpoq studieadjunktimik/studielektorimik imaluunniit adjunktimik/lektorimik.

Atorfik inuttalerneqassaaq marsip 1-at 2018 aallarnerfigalugu imaluunniit isumaqatigiissuteqarnikkut.

Isumaginninnermut Immikkoortortaq 120-t miss. ilinniartoqarpoq, ukiullu tamaasa 20-t miss. ilinniartunngortarput. Kursusernermut immikkoortortaqarpoq, tassani najugaq qimannagu isumaginninnermik siunnersortinngorniat siunnersuinermilu assistentinngornianik ilinniartinneqartarlutik. Ilinniarfimmi ilinniartitsisutut atorfillit arfineq-pingasuupput, taakkununnga ilaalluni immikkoortortap pisortaa.

Pisortatut suliassat ilaatigut makkuupput

  • Ilinniarfiup aqunnera, tassunga ilaalluni ilinniarnermut tunngasunik aqutsineq
  • Isumaginninnermik siunnersortitut ilinniarfiup qitiusup allaffissornikkut aqunnera
  • Ilinniakkanik pioreersunik nutaanillu ineriartortitsineq
  • Ilinniartitsisunik avataaneersunik ataqatigiissaarillunilu akulerutsitsineq
  • Ilinniartitsissutissanik suliarinninneq skemaliornerlu
  • Immikkoortortani allani pisortaasut peqatigalugit immikkoortortat akimorlugit iliniartitsissutissanik aaqqissuussineq
  • Immikkoortortami ilinniarneqarsinnaasuni tamani soraarummeerutissanik pilersaarusiorlunilu piareersaaneq, ilaatigut censorissanik toqqaaneq
  • Suliassanik inunnut tunngasunik suliaqarneq, soorlu immikkut pineqarnissamik meritimillu qinnuteqaatinik suliarinninneq
  • Takkutinngitsoortut nalunaarsorneqarnerannik nakkutiginninneq 
  • Soraarummeertussanik nalunaarutiginnittarneq
  • Ilinniartitsisut avataaneersut atorfeqartullu amerlassusaasa oqimaaqatigiissarnerat qulakkeerniarlugu ilinniartitsinermik aaqqissuussineq
  • Atuartitsissutissanik ataqatigiissaarineq, siunnersuisunik, censorinik censoreqatigiinnillu isumaginninneq

Isumaginninnermi siunnersortinngorniarfimmi isumaginninnermut tunngasut makku ilinniartitsissutigineqarput:

  • Meeqqat inuusuttullu
  • Ilaqutariit ajornartorsiortut
  • Inuiaqatigiit avataanniittut misigineq
  • Innarluuteqarneq
  • Suliffeqarnermi  atugassarititaasut
  • Fagit akimorlugit suleqatigiinneq
  • Isumaginninnermi inatsisit, pisortat ingerlatsinerannut inatsit, pisortat sullissinerannut  inatsit il.il.

Immikkoortortami pisortaq ilinniartitsinissamut, ilinniartunik siunnersuinermut atuartitsissutinillu ineriartortitseqataanissamut pisussaaffeqarpoq. Immikkoortortami pisortaq ilisimatusarfiup attuumassuteqarfigisami pisortaanut akisussaavoq.

Atorfimmut qinnuteqartut studieadjunktitut/studielektoritut imaluunniit adjunktitut/lektoritut pisinnaasaqartut uppernarsassavaat naleqquttumik universitetimi ilinniagaqarsimallutik, adjunktillu/lektorillu uppernarsarsinnaassavaat ilisimatusarnermik ilinniartitsinermillu piginnaasaqarlutik.

Qinnuteqartut nunatsinni aamma/immaqalu Issittumi inuiaqatigiilerinermik ilisimatusarnermi pissutsinik atuuttunik ilisimasaqarluartuussasut naatsorsuutigineqarpoq.

Ilisimatusarfimmi ilinniartitsineq qallunaatut, tuluttut kalaallisulluunniit ingerlanneqarsinnaavoq. 

Qinnuteqaat

Qinnuteqartut erseqqissumik nalunaarutigissavaat adjunktitut lektoritulluunniit atorfik imaluunnit studieadjunktitut studielektoritulluunniit atorfik qinnutiginerlugu.

Qinnuteqaatip saniatigut makku ilaassapput: 

  • Bilag 1: Curriculum Vitae.
  • Bilag 2: Soraarummeersimanermut uppernarsaatit.
  • Bilag 3: Lektoritut angusisimaneq (studielektorinut)
  • Bilag 4: Adjunktpædagogitut uppernarsaat (studielektorinut)

Adjunktitut/lektoritut qinnuteqaatinut makkuttaaq ilanngunneqassapput:

  • Bilag 5: Minitaqarnani normulersukkamillu saqqummersissimasanik nalunaarsuineq. Suliat qinnuteqaammut ilanngunneqarsimasut (bilag 8) *-mik nalunaaqutserneqassapput
  • Bilag 6: Siornatigut ilisimatusaatigisimasanik naatsumik allaaserisaq siunissamilu ilisimatusaatigiumaakkamut/nut siunnersuut/it
  • Bilag 7: Ilinniartitsisutut piginnaasanut uppernarsaatit (kursusertitsinissamut ilinniartitsinissamulluunniit pilersaarusiat, ilinniartitsissutissatut piareersakkat peqarpallu portfolio aamma pædagogikum)
  • Bilag 8: Ilisimatusaatinik avammut saqqummiussisarnermut uppernarsaatit
  • Bilag 9: Saqqummiussimasat amerlanerpaamik pingasut. Qinnuteqartup sqqummiussani amerlanerpaamik pingasut naliliinermut naleqqussorisamisut toqqarsinnaavai

Naliliineq atorfinitsitseriaaserlu

Malittarisassat atuuttut naapertorlugit ataatsimiititaliortoqassaaq suliamik ilisimasaqarluartunik ilaasortalimmik qinnuteqaatinik naliliisussanik. Qinnuteqarnissamut killigitinneqartoq qaangiuppat qinnuteqartut paasitinneqassapput kikkut naliliinermi peqataassanersut. Naliliisussat qinnuteqaatit misissussavaat ilisimatusarfimmilu pisortamut innersuussuteqarlutik. 

Akissarsiat atorfininnermilu atugassarititasut

Akissarsiat atorfininnermilu atugassarititaasut, ilaatigut atorfininnermut atatillugu aamma suliffimmit tunuarnermut atatillugu angalanerit kiisalu pisattat nassiunnerinut tunngasut Naalakkersuisut aamma kattuffiup pineqartut isumaqatigiissutaat naapertorlugit aaqqissuunneqassapput.

Atorfimmut atasumik sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqareersimaguni sulisutut ineqarsinnaatitaanini tigummiinnarsinnaavaa. Inigisaq atorfimmut atavoq qimanneqassallunilu atorfimmit tunuarnermut atatillugu.

Atorfik pillugu paasissutissanik annerusumik pissarsisoqarsinnaavoq immikkoortortami pisortamut Steven Arnfjordimut saaffiginninnikkut: +299 38 56 31, star@uni.gl, imaluunniit ilisimatusarfimmi pisortamut Gestur Hovgaardimut: +299 38 56 72, gehov@uni.gl.

Qinnuteqaat nalunaaqutserneqassaaq:”Stilling, afdelingsleder sociale forhold” bilagilerlugulu uunga nassiunneqassalluni:

Ilisimatusarfik

Postboks 1061

3900 Nuuk

Grønland

imaluunniit uunga: job@uni.gl.

Qinnuteqaat Ilisimatusarfimmit tiguneqareersimassaaq kingusinnerpaamik 2. februaari 2018.

Atorfik inuttalerneqassaaq apriilip aallaqqaataani 2018-imi imaluunniit isumaqatigiissuteqarnikkut.

Kulturimik, Oqaatsinik Oqaluttuarisaanermillu Ilisimatusarfik ilinniakkanik sisamanik sammiveqarpoq: Oqaasilerinermut, Atuakkialerinermut Tusagassiuutilerinermullu Immikkoortortaq, Inuiaat Kulturiannut Oqaluttuarisaanerannullu Immikkoortortaq, Teologiimut Immikkoortortaq kiisalu Nutserinermut Oqaluttaanermullu Immikkoortortaq. Ilisimatusarfimmi pisortaq rektorip ataaniippoq.

Ilisimatusarfimmi pisortaq ilisimatusarfiup immikkoortuisa sisamaasut arlaanni aamma immikkoortortami pisortaasinnaavoq.

Ilisimatusarfimmi pisortamut naatsorsuutigineqartut

  • Ilisimatusarfimmi aqutsisutut katersuuffiusinnaanissaa oqaloqatigiinnerlu tunngavigalugu aalajangiisinnaassuseqarluni
  • Ilisimatusarfiup periusissiaanut naapertuuttumik ilisimatuussutsikkut ilinniartitaanikkullu orniginartuunissaanut piorsaanissamut takorluugartuujullunilu iliuuseqarsinnaassuseqartuunissaa 
  • Immikkoortortani pisortanik aqutsisinnaallunilu suleqateqarsinnaaneq
  • Suleqatigiit piorsaanissaminnut piukkunnarsarnissaminnullu piumassuseqartilernissaat tapersersornissaallu
  • Ilisimatusarfiup ilinniartitaanermut, ilinniarnissamik aaqqissuussinermut ilisimatuussutsikkullu sulineranut paasisaqarluarnissaq, inuiaqatigiit kalaallit ilisimasaqarfigalugit nunarsuullu sinneranut isiginnissinnaanissaq, tamannami Ilisimatusarfimmi ilinniartitaanerup suuneranut pingaartuummat
  • Ilisimatusarfiup suliaasa allaffissornikkut pitsaasumik ingerlalluartumillu aqunnissaata qulakkeernissaa
  • Suliffiup tarnikkut timikkullu pitsaasuunissaanut pingaartitsillunilu nammineq pilersitseqataanissaa

Piginnaasassanut piumasaqaatit

Ilisimatusarfimmi pisortassap ilaatigut uppernarsarsinnaasariaqarpaa:

  • Ilisimatusarnerup, ilinniartitaanerup inuiaqatigiillu peqatigalugit aqutsinermik misilittagaqarneq
  • Ilisimatusarfiup suliassaqarfiisa iluanni ilisimatuutut akuerisaanissaq kiisalu ilinniartitsinermik misilittagaqarneq
  • Suleqatigiinnissamut piginnaaneqarluarnissaq. Ilisimatusarfimmi pisortaq ilisimatusarfiup ulluinnarni suliassaasa avatangiisaasalu iluanni eqaatsumik sulisinnaassaaq
  • Sulisunik aqutsinermik misilittagaqarlunilu ilisimasaqassaaq kiisalu aningaasanik aqutsisinnaalluni missingersuusiorsinnaalluni
  • Qinnuteqartup kalaallisut, qallunaatut tuluttullu piginnaasaqarluarnissaa iluaqutaassaaq

Suliassat

Suliassat ilaatigut makkuupput:

  • Ilisimatusarfiup ulluinnarni allaffissornikkullu aqunnissaa
  • Ilisimatusarfimmi ilinniakkat akornanni ataqatigiissaarinissaq suleqatigiinnerullu qulakkeernissaa, ilaatigut soraarummeernissamut pilersaarutit ataqatigiissarnissaat qulakkeerlugu
  • Immikkut akuersisarnermut, ilinniareersimasat nuunnissaannut allatigullu maleruagassat ataatsimoortut piorsarneqarnerisa aaqqissuuteqqittarnerisalu ataqatigiissaarnerannut peqataanissaq ilinniartunut sullissivik suleqatigalugu
  • Ilisimatusarfimmi ilinniakkat nunat tamat akornanni pitsaassutsimut naapertuuttuunissaasa qulakkeernissaat, ilaatigut nunarsuarmiunut naleqqussarneq
  • Suliniutit ilinniartitaanermut tunngasut pilersaarusiorlugillu ingerlannissaat, ilaatigut taamaatiinnartarnermut pinaveersaartitsinermi suliniutit
  • Ilisimatusarfiup ilisimatusarnermut tamakkiisumik periusissiaanut siunnersuutinik inassuteqaatinillu suliaqarnissaq, ilisimatusarnerup piviusunngortinnissaa qulakkeerlugu, kiisalu ilisimatusarnikkut suliaqarnermik nakkutilliilluni
  • Ilisimatusarfimmi ilisimatuutut ilinniarnerup tapersersornissaa
  • Ilisimatusarfiup aqutsisoqatigiivini tamakkiisuni siunnersuisoqatigiinnilu assigiinngitsuni ataatsimiitititanilu akuunissaq
  • Allaffissornikkut periutsit ataqatigiissaarnissaannut qitiusumik allaffissornerup suleqatiginissaa
  • Ilisimatusarfimmi siunnersuisoqatigiit ataatsimiinnerinik aqutsinissaq ilisimatusarfiullu ataatsimiititaliani sulinerani akuulluni
  • Nunatsinni nunanilu allani tigusisussat soqutigisaqartullu attaviginissaasa qulakkeernissaat
  • Ilisimatusarfimmi sulisunik atorfinitsitsineq soraarsitsisarnerlu immikkoortortani pisortat kisiisa pinnagit

Ilisimatusarfik 1987-imi pilersinneqarpoq. Ilisimatusarfik sisamanik ilisimatusarfeqarpoq: Inuiaqatigiilerinermik, Aningaasaqarnermik Tusagassiornermillu Ilisimatusarfik, Kulturimik, Oqaatsinik Oqaluttuarisaanermillu Ilisimatusarfik, Peqqissaanermik Ilisimatusarfik kiisalu Ilinniartitsinermik Ilisimatusarfik.

Ilisimartusarfinni kanditatitut bacheloritullu ilinniartoqarsinnaavoq.

Kulturimik, Oqaatsinik Oqaluttuarisaanermillu Ilisimatusarfimmi atorfeqarlutillu attuumassuteqarput professoritut ikiortaasoq ataaseq, lektorit tallimat, adjunktit tallimat, faglærerit arlaqartut,  soraarninngoreeraluarlutik suli ilisimatuutut sulisut kiisalu ph.d.-nngorniartut. Ilisimatusarfimmi aamma ilisimatuutut misissuiffeqarpoq: Meeqqanik Inuusuttunik Ilaqutariinnermillu Qitiusumik Ilisimatusarfik.

Ilisimatusarfik ilisimatuussutsikkut ilinniartitaanikkullu suleqatigiiffinnut ilaavoq annermik Danmarkimi nunallu avannarliit sinnerini kiisalu Europap sinnerani Amerikamilu avannarlermi.

Qinnuteqaat

Qinnuteqarnermi makku ilanngunneqassapput:

  • Ilanngussaq 1: Curriculum Vitae
  • Ilanngussaq 2: Soraarummeernernut uppernarsaatit
  • Ilanngussaq 3: Saqqummersitat allattorsimaffiat

Atorfinitsitsinermi periuserineqartussaq

Rektori ataatsimiititaliamik siunnersuisussamik pilersitsissaaq, taannalu qinnuteqaatinik takkuttunik paasitinneqassaaq qinnuteqartullu sorliit oqaloqatigineqarnissamut aggersarneqarnissaat siunnersuusiorfigalugu.

Akissarsiat atorfininnermilu atukkat

Atorfik LR 38-mi inissisimavoq. Isumaqatigiissutit naapertorlugit atorfinitsitsisoqarnissaa aallaaviuvoq. Atorfillit AC-p isumaqatigiissutai arlaqartut naapertorlugit, ilaatigut DJØF-ip Danmarkimilu aningaasaqarnermut ministereqarfiup akoranni isumaqatigiissutit naapertorlugit akissarsiallit Namminersorlutik Oqartussani atorfininnerminnut atatillugu akissarsiaqaratik sulinngiffeqarnissaminnut pisinnaatitaapput. Danmarkimi nunamut namminermut ministereqarfiup aamma kommuninut nunallu immikkoortuinut kajumissaarutigaa Namminersorlutik Oqartussat ataani atorfeqartut akissarsiaqaratik sulinngiffeqarnissaminnut qinnuteqartunut akuersaarnissaq. Sulinngiffeqarnissamik aalajangersakkaniipportaaq Namminersorlutik Oqartussani atorfeqartumut aapparisap/inooqataasup ilaatinneqarnissaa.

Atorfimmut atatillugu sivisunerpaamik sulisarnissamut aalajangersaasoqarsimanngilaq, piffissaq suliffiusoq sipporlugu sulisimanermut ajunngitsorsiassanut aalajangersagaqarani, kiisalu ullunik sulinngiffiusussanik annaasaqarnermut ajunngitsorsiaqarnissamut aalajangersagaqarani.

Sapaatit akunneranut akunnerni 40-ni sulinissaq aallaaviuvoq.

Aningaasarsiassat atorfeqarnermilu atugassat, ilaatigut atorfininnermi soraalernermilu akiliunneqarnerit pisattanillu nassarnissamut akiliunneqarnerit, atorfininnerup nalaani isumaqatigiissutit Namminersorlutik Oqartussat  isumaqatigiinniarfissallu akornanni sulinermut isumaqatigiissutit aallaavigalugit pissapput.

Atorfimmut atatillugu sulisunut inissiamik innersuussisoqarsinnaavoq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu inigisaq atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqarfissaq kingulleq: 5. februar 2018.

Saaffiginniffissaq

Ilisimatusarfik – Grønlands Universitet

Att. Rektor Gitte Adler Reimer

Postboks 1061

3900 Nuuk

Mail til: gitr@uni.gl 

Tlf. +299 38 56 52

 


Attavissat

Assigiinngitsut aqqutigalugit attavigisinnaavatsigut

Atuaruk

Paasisimasalik

Immikkut ilisimasalittavut ajornanngitsumik attavigikkit

Atuaruk