Ilisimatusarfimmi - ujarlerpoq

Aggernissamut peqataanissamullu pisussaaneq

Aggertarnermut peqataanermullu pisussaaffiit.

Ilinniartoq pinngitsoorani aggertussaavoq ilinniartitsinernut aammalu naatsorsuutigineqarpoq ilinniartoq eqeersimaarluni ilinniarnermut akuusasoq. 

Pinngitsoorani takkuttussaatitaavoq ilinniartitsinernut praktikernernullu ilinniarnerup semesteriini sisamani siullerni. Ilinniarnerup semesteriini allani pinngitsoorani takkuttussaatitaaffeqarpoq pikkorissarnernut, praktikernernut, projekteqartitsinernullu.

Ilinniartup atuanngitsoortarneri allattorneqartassapput semesterini sisamani siullerni, kiisalumi pikkorissarfiusuni projekteqarfiusunilu. Naatsorsuutigineqarpoq, ilinniartoq takkuttassasoq – eqeersimaarlunilu ilaasassalluni – tamanutilinniartitsiviusunut.

Takkuttarnerit qaammatit tamaasa nalunaarsorneqartarput, pigeriikkanut ilanngunneqartarlutik.  Pisortaq, studielederit aamma siunnersortit nalilersuisarput, oqaloqatiginnittoqassanersoq  mianersoqqusisoqassanersorluunniit.

Takkuttarsimanngikkaanni imaluunniit ilinniakkamik paarsinngikkaanni, ilinniartuujunnaarnermik kinguneqarsinnaavoq.

Peqataanissamut pisussaaffik

Pisussaaffik isumaqarpoq ilinniartoq ilaasassoq eqeersimaarluni  atuartitsinerni tamani ilinniartitsisunngorniarfimmi semesterit arfineq pingasuusut ingerlaneranni. 

Ilinniartumut ima isumaqarpoq:

  • Piffissaq eqqorlugu piareersarluarsimalluni takkuttarnissaq, kiisalu tunniussassanik piffissamik eqquilluni tunniussisarnissaq.
  • Pisunut eqqummaarilluni ilaanissaq tapertaalluarlunilu ilinniartitsinerni, soorlu saqqummiussinerni
  • Akisussaaffeqarluni gruppeqatigiinnernut /studieteamsinut, allanullumi suliassanut, soorlu sungiusarnernut assigisaanullu, suleqatigiinnernut ilinniaqatinullu tunngasunut
  • Ilinniarnerup ingerlaneranik susoqarneranilu malinnaalluarnissaq , amigaateqarsimagaanilu aaqqiiniapallattarnissaq.
  • Ilinniartitsinernut takkutinngitsoorsimagaanni, nammineerluni paasiniaasoqartassaaq, sulerisoqarsimanersoq suullu amigaatiginerlugit sulianut tunngatillugu 

Ilinniartoq agginngitsoortarnermigut peqataannginnermigullu sumiginnaasimaguni siullermik ilinniartitsisumut oqaloqatiginninnissamut aggersarneqassaaq. 

Oqaloqatigitinneq imaassinnaavoq, kinguaattoorutigisimasat pillugit, assersuutigalugu tunniussassanut taartaasinnaasut.

Takkutinngitsoorsimagaani aggeqqusaasimalluni siunnersortimut immaqaluunniit tunniussassamik tunniussinngitsoorsimangaanni isumaqatigiissutaareeraluartumik, aggersagaasoqartarpoq rektorimut, tassanilu ilinniartup ilinniarnermini siunissaa oqallisigineqartarpoq.

Pisimasoq ajornerulersimassappat rektorillu aaqqiissutissaqarsinnaanngissorippagu, ilinniartoq Ilinniarfissuarmiit anisitaasinnaavoq.


Ilinniartunik siunnersuineq

Ilinniarninnut tunngasunik siunnersorneqarusuppit?

Atuaruk

Ilinniartunik siunnersuineq - piffissamik inniminniigit

Attavissat

Assigiinngitsut aqqutigalugit attavigisinnaavatsigut

Atuaruk

Soraarummeerutit

Ilisimatusarfimmi ilinniartut suliaat isumassarsiorfigikkit

Atuaruk