Ilisimatusarfimmi - ujarlerpoq

Ukiumoortumik festerneq

Ukiumoortumik nalliuttorsiorneq, årsfesti, ingerlanneqartarpoq februarip qaammataata naalernerani. Taamaalinerani ilinniartut tamarmik utereersimasarmata praktikkerfinniit, sinerissamiit nunanilu allaniit 2.S-ertut suliffimmik misiliinerminniit, 3.S-ertullu studierejse-reernerminniit. Taamaalinerani misilitsinnissanut piffissaq sivisujunnaareertarmat upernaamut misilitsinnissamut piareersarnissaq tullinnguuttarluni.

Årsfesti periarfissatuaavoq ilinniartup, ilinniartitsisut sulisullu inooqatitik/ aappatik ilagalugit nalliuttorsioqatigiinnissaannut nuannaaqatiginissaannullu.  Aamma qaaqquneqartarput suleqatigisartakkat, attaveqarfigisakkat tassanimi Ilinniarfissuup takutinniartarpaa pitsaanerpaaffigisani.

4.S-ertut akisussaaffik aqutsisuunissaq tigummisarpaat . Atuaqatigiiaat tamarmik pisussaaffeqartarput , erinarsuusiornerit, nerriviliornerit inimik pinnersaanerit allallu.

Atuaqatigiiaat tamarmik aliikkusersuisarput aamma piginnaasallit saqqummerusuttut imaaginnavittarput. Unnuup ingerlanerani inissaqartoqaraangat appisimaartoqarsinnaasarpoq ataasiakkaanit nipilersorusuttunilluunniit. Soorunalimi aamma erinarsoqatigiittoqartarpoq. Pisussat piffissap aalajangersimasut iluani amerlammata sukangasumik unnuup ingerlanera aaqqissuussaavoq.

Kingusinnerusukkut  Ilinniarfissuarmi nipilersoqatigiit assigiinngitsut appisimaartinneqartarput qititsitsillutik aliikkusersuillutik. Nalliuttorsiorneq matuneqartarpoq unnuakkut nalunaaqutaq 1-2-p missaani.


Ilinniartunik siunnersuineq

Ilinniarninnut tunngasunik siunnersorneqarusuppit?

Atuaruk

Ilinniartunik siunnersuineq - piffissamik inniminniigit

Attavissat

Assigiinngitsut aqqutigalugit attavigisinnaavatsigut

Atuaruk

Soraarummeerutit

Ilisimatusarfimmi ilinniartut suliaat isumassarsiorfigikkit

Atuaruk