Ilisimatusarfimmi - ujarlerpoq

Najoqqutassat

Otto Sandgreenip piinit tunissutinit Ilisimatusarfimmi ilinniartut suliaminnik saqqummiinissaannut agguaassinermi malerugassat.

  1. Aningaasat agguaassassat tassaapput Ilisimatusarfimmi ilinniartut suliaminnik avammut saqqummiussinissaannut tapiissutit Otto Sandgreenip piinit tunissutaasut
  2. Aningaasat agguaassassat uaniipput: Ilisimatusarfik, Nuuk
  3. Aningaasat agguagassiissutigineqarput ulloq oktobarip 5-at 2015
  4. Aningaasanik agguaassinermi siunertaavoq bacheloritut aamma/imaluunniit kandidatitut ilinniarnerminnik naammassisut periarfissinniarlugit suliaminnik inernerinillu avammut saqqummiussinissamut, soorlu atuagassiami saqqummiussinikkut imaluunniit ataatsimeersuarnermi  saqqummiinikkut
  5. Aningaasat agguagassat tunniunneqarsinnaapput siunertanut qulaani taaneqartunut, taakkununga ilanngullugit ilinniartumut akissarsiassat/tapiissutit, nutserinermut aningaasartuutit allallu siunertamut attuumassuteqartut. Aningaasat agguagassat amerlassuseqarput DKK 1 mio
  6. Tunngaviit: Saqqummiinissamut ilinniartut bacheloritut imaluunniit kandidatitut inaarutaasumik suliaminni A-rsimasut kiisalu immikkoortortaqarfimmi aqutsisumit instituttimiluunniit pisortamit inassutigineqarsimasut qinnuteqarsinnaapput qaammatini marlunni akissarsiaqarluni sulinissamut kiisalu  allaaserisamik saqqummersitsinissamut tapiissutissanik. Aningaasat qinnutigineqartut oqaaseqatigiit iluarsaannerinut oqaatsinullu allanut nutserinermut atorneqarsinnaapput. Allaaserisap saniatigut kalaallisut paasiuminarsakkamik saqqummiussinissaq minnerpaamik piumasaqaataavoq. Aningaasat akuersinermit ukioq ataaseq qaangiutinnagu atorneqassapput
  7. Ilisimatusarfiup ilinniartoq suliffissaanik isumagissavaa immikkoortortaqarfimmilu aqutsiso/instituttimi pisortaq pisussaaffeqarput ilinniartup siunnersorneqarnissaa qulakkiissallugu
  8. Ilinniartoq pisortarlu isumaqatigiissusiussapput. Immersugassaq siunertamut atugassaq immersorneqarlunilu atsiorneqassaaq. Akissarsiassat sulisoqarnermut immikkoortortaqarfimmit isumagineqassapput
  9. Ilinniartoq nammineq sulinissani pillugu pilersaarusiussaaq, namminerlu akisussaaffigaa saqqummiinissamini atuagassiat nalequttut nammineerluni saaffigissallugit. Ilinniartoq suliffeqarfinnik allanik suleqateqassappat Ilisimatusarfiup taaguutaa saqqummersitami erseqqissumik allassimassaaq
  10. Aningaasat agguaassassat Ilisimatusarfiup naatsorsuuserivianit nakkutigineqassapput
  11. Naatsorsuutit: Aningaasat agguaassassat naatsorsuusiornerata ukiumoortumik naatsorsuuserivik malippaa. Naatsorsuutit Ilisimatusarfiup naatsorsuuserivianit suliarineqassapput (Ukiumoortumik naatsorsuutit Namminersorlutik Oqartussat kukkunersiuisuinit suliarineqassapput)
  12. Ilisimatusarfiup aqqutsisui agguaassinermi tunngavissat naapertorlugit agguaasassapput. Qinnuteqaatit pisortaqatigiit ataatsimiinnerini aalajangiiffigineqartassapput
  13. Aningaasat agguagassat atorneqarfissaat siunertaallu ukiut tamaasa isummerfigineqartassaput. Tulliani tamanna pissaaq decembarip aallaqaataani 2016


Qinnuteqaatit tiguneqartarput ukiumut ataasiarluni, kingusinnerpaamik ulloq 15. september ukiut tamaasa.

Qinnuteqaat innersuussut ilanngullugu nassiunneqassaaq uunga qinnuteqarnermi immersugassaq.

Akademisk Rådimit akuerineqarpoq ulloq 5. oktober 2015.


Ilinniartunik siunnersuineq

Ilinniarninnut tunngasunik siunnersorneqarusuppit?

Atuaruk

Ilinniartunik siunnersuineq - piffissamik inniminniigit

Soraarummeerutit

Ilisimatusarfimmi ilinniartut suliaat isumassarsiorfigikkit

Atuaruk