Ilisimatusarfimmi - ujarlerpoq

Coaching

  • Ilinniakkavit malinnaaffiginiarnera ajornartorsiutigaajuk?
  • Unittooqqasutut misigisimavit?
  • Inuttut ineriartorusuppit?
  • Ilinniakkat malinnaaffigilluarnerorusuppiuk?
  • Ilinniakkat naammasserusuppiuk?

Ilisimatusarfimmi ilinniartutut coacherneqarnissannut maanna periarfissaqalerputit. Coaching tassaavoq inuttut ineriartorusulluni nammineq iliuuseqarnissamut oqaloqateqartarnikkut ikiorneqarneq.

Coachingimik neqeroorut misiligutaavoq ilinniarnermik unitsitsisartut ikilisarniarlugit iliuuserineqalersoq. Coachingimi nammineq anguniagassalersussaatit aporfissaasinnaasullu qaangerniarlugit imminut aqqutissiorlutit.

Coachingimi makku apeqqutigineqarajupput: Suna tunaartaraajuk? Suna angorusuppiuk? Suut akornutigaagit? Qanoq ilioruit angorusutat angusinnaaviuk?

Coaching periarfissaalluarpoq inuttut ineriartorlutillu allanngorusukkuit. Ilisimatusarfimmi arlalinnik coacheqarpugut. Ilinniartumut ataatsimut oqaloqatiginninnerit tallimat Ilisimatusarfiup akilissavai.

Toqqartuinermi imaaliortarpugut

  • Pisariaqartitsinerpaatut nalilerneqartut salliutinneqarsinnaapput
  • Qinnuteqarninniit ullut 14 ingerlaneranni akissutisissaatit 

 

Nittartakkami matumani coacherneqarnissamut periarfissat pillugit saaffiginnissinnaavutit.

Qinnuteqaatinnik suliarinnissinnaajumalluta illit pillutit paasissutissanik pisariaqarpugut.



Illilli pillutit paasissutissat illit pigiuassavatit – Ilisimatusarfiullu paasissutissanut akisussaasuusup paasissutissanik ilinneersunik illersuinissani soqutigalugulu pisussaatitaaffigaa. Illit pillutit paasissutissat nittartagaq manna aqqutigalugu allattukkatit paasiuminaallisarlugit Ilisimatusarfimmut nassiunneqassapput.



Saaffiginnissutit allanut ingerlateqqinnagit suliarineqartarput. Coachit tamarmik nipangiussisussaatitaapput oqaloqatigiinnerillu allanut eqqaaneqarneq ajorput. Aamma coachinik oqaloqateqarnerni misilittagarineqartut Ilisimatusarfimmit iluaqutigisinnaapput pingaarnertut sammisaqartitsinissamut ilinniartut naammassinninnerisa procentiinut annerusunut tunngasunik.

 


Ilinniarneq pillugu ilitsersuisoq

Ilinniarneq pillugu ilitsersuisoq

Oq.toqq.: +299 38 56 23

E-mail

Ilinniartunik siunnersuineq - piffissamik inniminniigit