Ilisimatusarfimmi - ujarlerpoq
Pillugu

Lektori Annemette Nyborg Lauritsen Inuiaqatigiilerinermut immikkoortortameersoq Nunatsinni Ilisimatusarnermik Siunnersuisoqatigiinnit 100.000 kr.-nik tunineqaqqammerpoq tarnimikkut nappaatillit innarluutillillu pineqaatissinneqartarnerannik ilisimatusarluni suliaqarnerminut atugassaanik.

Misissuinermi siunertaavoq Kalaallit Nunaanni pineqaatissinneqarsimasut amerlassusiinik paasiniaanissaq, innarluutillit tarnimikkullu nappaatillit immikkut sammisaralugit. Aappaattut tassaavoq pineqaatisseeriaatsinut assigiinngitsunut tunngatillugu pinerluuteqarsimasunik pineqaatissiinermi malittarisassanut tunngaviusunik malittarisassanillu atuinermik ilisimasaqalernissaq. Tamakku saniatigut pineqaatissinneqarsimasunik Danmarkimi inissiisarfimmiittussanngortitsinermut tunngatillugu pinerluttulerinermi inatsimmi inissiinermut tunngavigineqartuni ajornartoorutaalertartunik qaammarsaallunilu suussusersiinissaq.

Misissuinermi sammisat uku aallaavigineqassapput:

  • 2010-mit (pinerluttulerinermi inatsisitaap atuutilerfianiit) 2019-ip naalerneranut pineqaatissiinernik tamanik – ilaatigut eqqartuussat inissinneqarfiisalu amerlassusiinik nalunaarsueqqissaarneq.
  • Pinerluttulerinermi inatsisinik inissiinermut tunngavigineqartunik nalunaarsueqqissaarneq.

Suliniut suliarineqassaaq lektori, ph.d. Mette Rømer, Aalborg Universitetimeersoq, suleqatigalugu.

Suliniut suliniummut annertunerusumut, Kalaallit Nunaanni oqartussaasut Danmarkimilu oqartussaasut akornanni ingerlatitseqqeeriatsinik pinerluttaalisitsiniarnermi suliniutinik inissiisarfinni Danmarkimiittuni pineqaatissinneqarsimasunik kalaallinik inissiisarfinni inaarsarneqartartunik misissuiffiusumut, aallarniutaavoq.

Sulisut?