Ilisimatusarfimmi - ujarlerpoq
Pillugu

Ukiuni kingullerni Issittumi – ingammik Kalaallit Nunaanni – pinerlunneq sammineqaleriartuinnarsimavoq. Aviisini inuusuttut nakuuserlutik pinerluttartut allaatigineqartarput, isertitsiviit suliassaat oqallisigineqarlutillu misissuivigineqartarput, pinerlunnerillu pinerlunnernillu paasinarsisitsiniaanerit Kalaallit Nunaanni ulluinnarni piviusunik oqaluttuarinninnermut pinerluttulersaarutini atorneqartarput.

Issittumi pinerlunneq tassaavoq Ilisimatusarfimmi Issittumi pinerlunneq pillugu ilisimasat taperiissillugit ilisimatuutut misissueqatigiissutigineqartoq – Kalaallit Nunaanni pinerlunneq tusagassiuutinilu oqaluttualianilu pinerlunnermik saqqummeeriaatsit immikkut sammillugit.

Siunertaavoq Kalaallit Nunaanni pinerlunnerup samminissaa, Kalaallit Nunaanni pissutsinut piviusunut naapertuuttumik tusagassiuutinilu oqaluttualianilu sammineqartarneratut saqqummiullugu.

Ilisimatuutut misissuillutik suleqatigiit issittumi pinerlunnermik saqqummiusseriaatsit assigiinngitsut atorpaat issittumi pinerlunnerit tamatumunngalu tunngatillugu apeqqutaalersinnaasut imaannaanngissusiannik qulaarinissaq siunertaralugu.

Siunissaq ungasinnerusoq eqqarsaatigalugu siunertarineqarpoq Issittumi Nunanilu Avannarlerni attaveqatigiilersitsinissaq tamatumalu saniatigut ilisimatuutut tamatuminnga misissuinermi suleqataasunik amerliartortitsinissaq universitetinit allanittaaq peqataaffigineqalersillugu.

Ilisimatuutut misissuivigineqartut

Ilisimatuutut misissueqatigiit Issittumi pinerlunneq ilaatigut ukununnga tunngatillugu suliniuteqarnissamut periarfissaqarput:

  • Pinerluttuliortarnerit
  • Inatsisinik unioqqutitsinernut qisuariaatigineqartartut
  • Eqqartuussivinni periaatsit
  • Pinerlunnerit pillugit tusagassiorneq
  • Pinerlunnernik paasinarsisitsiniaanerit
  • Eqqartuussiviit
  • Inatsisit
  • True Crime-podcastit
  • Arctic Noir
  • Nalerisaanermi suliaqarneq
  • Pinerluttulianik iluarsiniaaneq, pillaammik atuineq saammaateqatigiinnerlu
  • Pinerlunnernut tunngatillugu tarnikkut isumaginninneq
  • Politikkimi pinerlunneq
  • Pinerlunnermut atatillugu politikki
  • Inunnut attaveqaatini pinerlunneq
  • Aaqqissugaasumik pinerlunneq
  • Inuusuttut pinerlunniartarnerat
  • Eqqumiitsuliatigut atuakkiatigullu pinerlunneq
Sammisassat

Ilisimatuutut misissueqatigiit semesterip ataatsip ingerlanerani 2-3-riarlutik naapittarput.

Issittumi - ingammik Kalaallit Nunaanni – pinerlunneq pinerlunnermillu saqqummeeriaatsit pillugit antologiimik saqqummersitsineq.

Fagit tapertariissillugit sulisunik ilinniartitsineq - suliffeqarfiullu avataani ilinniartunik nunanit tamalaaneersunik pikkorissartitsineq.

Sulisut?