View this mail in your browser
oktobari 2018
Ilisimatusarfik.tikilluarit

Oktobarimi nutaarsiassaatitsinnut Shaping the Arctic-imut tikilluaritsi.

Matumani ilaatigut makku pillugit atuarsinnaavutit: 

  • Ukiumoortumik nalliuttorsiorneq 2018
  • Aalborg Universitetimit tikeraartut
  • Færøernes Universitetimik suleqateqarneq
  • Praktikkernissamut tunngatillugu suleqateqarneq
  • Greenlandic Perspectives Survey
  • Ilisimatuutut misissuinermi suliniummik allaatiginninneq
  • Siunissaqannginneq?
  • .. allarpassuillu 

 

Inuulluaqqusilluta;

Ilisimatusarfik

 
Ilisimatusarfik.nutaarsiassat
Ukiumoortumik nalliuttorsiorneq 2018

Tallimanngorneq septembarip 28-at Ilisimatusarfimmi nalliuttorsiorfiuvoq – pisarnitsitummi Ukiumoortumik nalliuttorsioratta.

Ukiumoortumik nalliuttorsiornermi pisut makkuupput:  

  • Nal. 10.00: Erinarsoqatigiinneq
  • Tikilluaqqusineq aallarniinerlu rektorimit Gitte Adler Reimerimit (rektorip oqalugiaataa tamakkerlugu nittartakkatsinni atuaruk - linki matuma ataatungaaniittoq takuuk)
  • Ilinniartitsinermik Ilisimatusarfimmikk Ilisimatusartullu Kattuffiannik ILI ILI-mik nersorinninneq

Ilinniartitsinermik Ilisimatusarfik ilinniartitsisunngorniarfimmik naliliinerup kingorna ilinniakkamik aaqqissuussinermi suliarujussuartik pillugu nersorniarneqarput.

ILI ILI - Ilisimatusartut Kattuffiat kattuffimmik taama ittumik aallarneeqqinnermi suliarujussuat pillugu nersorneqarpoq – ilaatigut nunani assigiinngitsuni ilinniartunik Nunatsinneersunik sinniisoqarnera, suliffeqarfinnik nittarsaassinissamik aaqqissuussinerat aammattaaq sapaatip-akunnerani aallartiffimmi sulia.

  • Nal. 10.30: Oqalugiaat Ole Marquardtimit (Skype-ikkut)
  • Nal. 11.00: Erinarsoqatigiinneq Per Rosingimit –  aamma Ilisimatusarfiup erinarsuutaa atorlugu 
  • Nal. 11.15: Oqalugiaat Ilinniartitaanermut, Kultureqarnermut Ilageeqarnermullu Naalakkersuisoqarfimmit 
  • Nal. 11.45: Ph.d.-nngornermut uppernarsaatinik Mikaela Augustussenimut Anna-Sofie Hurup Skjervedalimullu tunniussineq

Mikaela Augustussen: "Palliation til grønlandske kræftpatienter i Grønland og i Danmark". 

Anna-Sofie Hurup Skjervedal: "Towards meaningful youth engagement. Breaking the frame of the current public participation practice in Greenland". 

  • Nal. 12.00: Ernarsoqatigiinneq
  • Assilisinneq

Nalliuttorsiornerup kingorna Ilisimatusarfik receptionertitsivoq.

 

Rektorip oqalugiaataa taama matuma ataatungaani atuarsinnaavat - Ukiumoortumillu nalliuttorsiornermi assilisarpassuit Facebook-itsinni isiginnaarsinnaavatit.

Oqalugiaat - rektori Gitte Adler Reimer
Aalborg Universitetimit tikeraartut

Septembarip 24-aniit 28-anut Aalborg Universitetimi suleqatigilluartakkatsinnit tikeraarneqarpugut ukunannga:

  • Henrik Halkier (dekani, Det Humanistiske Fakultet)
  • Mogens Rysholt Poulsen (dekani, Det Ingeniør- & Naturvidenskabelige Fakultet)
  • Henrik Pedersen (dekani, Det Tekniske Fakultet for IT & Design)

Tikeraarnerat pissarsiffiulluarpoq – ilaatigullu makku sammineqarput:

  • Ilinniartitsinermut tunngatillugu suleqatigiinneq pinngortitamillu ilisimatusarnermi bachelorinngorniutissamik nutaamik aallarnisaaneq
  • Aalborg Universitetimi ilinniartitsissutinik ilisimatuutullu misissukkanik Kalaallit Nunaannut tunngassutilinnik saqqummiussineq (ilaatigut AAU Arctic-imit)
  • Aalborg Universitetip Den Digitale Platform-imik atuutilersitsinera
  • Massakkut suleqatigiinnerput ataatsimut isigalugu – aamma qanoq ililluta siunissami pitsanngorsarsinnaavarput
  • Ph.d.-nik suleqateqarneq
  • Kalaallit Nunaanni Forskningshub-imut pilersaarutit neriuutillu
  • Suliffeqarfiit ilinniarfiillu arlallit aqqutigalugit ilisimatusarnermi suleqatigiinneq
  • Aalborg Universitetip ’problembaseret læring’-imik misilittagaat

Dekanit tikeraarnerminni aamma Pinngortitaleriffimmut, Nunatsinni Ilisimatusarnermi Siunnersuisoqatigiinnut suliffeqarfinnullu naalakkersuisoqarfinnullu naleqquttunut alakkaapput – soorluttaaq ilinniartunik tikeraanik Aalborg Universitetimeersunik oqaloqateqartut aamma soorunami pisarnitsitut Ukiumoortumik Nalliuttorsiornitsinnut najuullutik.

Ilisimatusarfimmi nuannersumik pissarsiffiulluartumillu tikeraarnerat pillugu tamaasa qutsavigaavut.

Aalborg Universitet - atuaruk
Færøernes Universitetimik suleqateqarneq

Septembarip aallartinnerani rektori Gitte Adler Reimer pisortaanerlu Henriette Nolsøe Rosing Savalimmiuniipput ilaatigut Færøernes Universiteti suleqatigiinnissamik isumaqatigiissusiorfiginiarlugu. 

Suleqatigiinnissamik isumaqatigiissut atsiorneqarpoq Ilisimatusarfiup rektorianit Færøernes Universitetimilu rektoriusumit Sigurð í Jákupsstovumit.

Isumaqatigiissut periarfissaqarnerulissutaassaaq ilaatigut ataatsimoorussanik ilisimatusarnermi suliniuteqarnissamut, ilinniartitsinermi suleqatigiinnissamut, ilinniartunik sulisunillu paarlaateqatigiinneq.

Færøernes Universitet - atuaruk
Praktikkernissamut tunngatillugu suleqateqarneq

Ilisimatusarfimmi Isumaginninnermi Siunnersortinngorniarfik VIA University College-imut Danmarkimiittumut praktikkertunik paarlaateqateqarnissamut tunngasumik isumaqatigiissusioqqammerpoq.

Suleqatigiinnissamut isumaqatigiissuteqarnerup kinguneranik ilaatigut ilinniartut Nunatsinneersut maanna Isumaginninnermi Siunnersortinngorniarnerminnut ilagitillugu Danmarkimi praktikkernissamut periarfissaqarnerulerput.

VIA University College - atuaruk
Greenlandic Perspectives Survey

Pingasunngornermi septembarip 12-iani Greenland Perspective Kalaallit Nunaata – innuttaasut isiginnittaasiat naapertorlugu – siunissaanik ’alakkaajartoqqusivoq’.

Greenland Perspective-ip saqqummiuppai nuna tamakkerlugu misissuinerup ’Greenlandic Perspectives Survey’-ip inernerigallaat.

Saqqummiussisoqarnerani najuutinngitsoorsimaguit eqqissiinnarit: saqqummiussinerat tamaat immiupparput .. YouTube-kanalitsinnilu piffissaqaleruit piumalleruillu isiginnaarsinnaavat.

Tunuliaqutat

Ilisimatuutut misissueqatigiit gruppit marluk Kalaallit Nunaanni kommunini tamani illoqarfinnut nunaqarfinnullu 13-inut angalapput innuttaasullu hundredellit oqaloqatigalugit aningaasaqarnerup, avatangiisit, namminersulivinnissap politikkillu il.il. pingaaruteqartut siunissaat qanoq isumaqarfigineraat tusarniarlugu.

Misissuineq pivoq juulip 23-aniit septembarip 11-anut, pingasunngornermilu septembarip 12-iani misissuinerup ilusaanik kinguneranillu saqqummiussipput – taakkununnga ilagitillugit saqqummiullugit Nunatsinni innuttaasut isumaannik isiginnittaasiannillu saqqummiussinermi misilittakkatik.

YouTube
Ilisimatuutut misissuinermi suliniummik allaatiginninneq

Rochester Institute of Technology aamma Binghamton University suleqatigalugit Ilisimatusarfiup ilisimatuutut misissuinermi suliniut Rockwell Kent and Early 1930s Greenland: A Comparative View of Environmental, Social and Cultural Change in Contemporary Greenland suliarinialerpaa. 

Ilisimatuutut misissuinermi suliniut Rockwell Kentip – assiliisartup Amerikamiup 1930-kkunni Nunatsinni najugaqarlunilu sulisup – suliaanik aallartissuteqarpoq.

Rockwell Kentip Nunatsinniinnera misissuiffigineqarpoq, assilisaalu eqqumiitsuliaalu Nunatsinni 1930-kkunniit ullumikkumut atajuartunik aamma / imaluunniit allannguutinik oqallisiginninnissamut aallaavissatut atorneqarput.

Ilisimatuutut misissuinermi suliniut suli ingerlanneqarpoq – tamanna pillugu atuarnerujumallutit linki matuma ataatungaaniittq tuuginnassavat.

Atuaruk
Siunissaqannginneq?

Annemette Nyborg Lauritsen Ilisimatusarfimmeersoq allaaserisamik saqqummersitseqqammerpoq ima quleqatalimmik "Uden udsigt? Forvaringsdømt i Grønland - i dag og fremover" ("Siunissaqannginneq? Kalaallit Nunaanni parnaarussaaqqaneq – ullumikkut siunissamilu").

Allaaserisaq Retfærd, Nordic Journal of Law and Justice-imi saqqummersinneqarpoq.

Matumani allaaserisami tigulaagaq atuarsinnaavat: 

"Naatsorsuutigineqarpoq Kalaallit Nunaanni parnaarussiviit imaluunniit, pisortatigoortumik taaguut atorlugu, inissiisarfiit matoqqasut siullersaat 2019-imi atulernissaa.

Kalaallit Nunaanni pinerluttut pillugit inatsit pinerluttut innuttaasunut ilaalerseqqinnissaanik najoqqutassiamik parnaarussinerullu kingunerlutsitsissutaannginnissaanik tunngaveqarpoq. Maannamut pillaatissamik atuineq inissiisarfinnik ammasunik taaneqartuni pisarpoq, siunertarineqartarporlu eqqartuussaasut pillaatissaminnik atuinerminni illoqarfimmi suliaqassasut. Inissiisarfik nutaaq Kalaallit Nunaat pisortatigoortumik”nunaajunnaassaaq parnaarussiveqanngitsoq”. Tamatuma saniatigut sivisuumik ileqqorineqarsimasutut parnaarussassatut eqqartuussat Nunatsinneersut Danmarkimut pillaatissaminnik atuisussatut aallartinneqartarunnaassapput.

Parnaarussineq pinerluttut pillugit inatsimmi pineqaatissiissutit sakkortunersaraat. Parnaarussassatut eqqartuussut inaarsarneqarsinnaavoq inissiisarfimmi Kalaallit Nunaanniittumi imaluunniit ”inissiisarfimmi psykiatri tunngavigalugu Kriminalforsorgen i Danmark-imit ingerlanneqartumi, Herstedvester Fængselimi. Kalaallit Nunaanni parnaarussat sisamararterutingajaat eqqartuussaassutigisaminnik atuipput, parnaarussallu tamarmik tallimararterutaasa missaanniittut Herstedvesterimut pillaatissaminnik atuisussatut aallartitaapput.

Allaaserisami matumani Kalaallit Nunaanni parnaarussassatut eqqartuussaaneq kingunipiluillu eqqartuussat misigisartagaat paasinarsisinneqassapput. Aammattaaq Kalaallit Nunaanni inissiisarfittaassaq matoqqasoq pillugu neriuutit misissorneqassapput."

Atuaruk
webshop.uni.gl

Soorlu qaammatini kingullerni nutaarsiassani eqqaaneqareersoq, saqqummersitatta merchandise-iutittalu ilarpassui internetikkut pisiniarfitsinni pisiarisinnaavatit - aamma nutaarluinnarnik pisiassaqarpoq.

Internetikkut pisiniarfipput soorunami kalaallisuujullunilu qallunaatuujullunilu tuluttuujuvoq - aamma soorunami silarsuarmi sumiikkaluartunulluunniit nassiussisarpugut.

INTERNETIKKUT PISINIARFITSINNI MISISSUIGIT
Saqqummersitaq

Atuisutta nittartakkatsinni website periarfissaq nutaaq takusinnaavaat: ilisimatuut saqqummersitaannik ujarlertoqarsinnaavoq.

Atuakkiortoq, qulequtaq, imarisaa il.il. ujarneqarsinnaapput.

Saqqummersitanut quppernerput nutarterneqartuarpoq - taamaattumik suliamut tunngasunut isumassarsiornissamut alakkaagit. 

Atuaruk
 
Ilisimatusarfik.pisussat

Arrangementer

Ilisimatusarfimmi assigiinngitsunik aaqqissuussisarpugut - tamanut soqutiginaatillit.

Piffissami aggersumi soorlu, aaqqissuunneqassapput makku:

02
okt
2018
Ph.d. pikkorissarneq: Forskning om og med børn - med særlig fokus på observation og interviews (02.10 - 04.10)
10
okt
2018
Oqalugiaat: Terminologiarbejde i stort og smått – tetraeder, trender & domænetab
11
okt
2018
Oqalugiaat: Selvstyrelovens muligheder og vejen derefter
12
okt
2018
Pulaarneq: Inatsisartut
15
okt
2018
Ataatsimiinneq: Kalaallit Nunaat aamma EU (15.10 - 16.10)
24
okt
2018
Saqqummiussineq: Nalunaarusiaq Tusagassiuutit 2018 saqqummiunneqassaaq
08
nov
2018
Saqqummiussineq: Evalueringsrapport af bistandsværgeordningen i Danmark & Grønland
30
nov
2018
Ataatsimiinneq: Economics and development in microstates, islands, and the Arctic (30.11 - 03.12) (live-streaming on YouTube)

Nittartagarput website aqqutigalugu pisussat pereersullu atuarsinnaavatit.

Ilisimatusarfik.ilisimatuumik ujarlerneq

Forskning

Immikkut ilisimasalimmik amigaateqarpit - assersuutigalugu ilanngutassiassamut imaluunniit assigisaanut?

Taamaappat ikiortissaq qujanartumik uaneralaannguamiippoq - s.i.:

Naalakkersuinikkut aqutsineq
Regionale partier i nordisk kontekst
Upperisaq
Resiliens
Innuttaasunut ilaalerseqqippaa
Rockwell Kent
Namminersorneq
Nammineerneq
Social resiliens
Social støtte

Nittartagarput website aqqutigalugu nalunaarsuutinik peqarpugut, ilisimatuunik assigiinngitsunik immikkut ilisimasalinni ujarlernissamut periarfissalik.

Ilisimatusarfik.ilisimatuutut misissuinerit

Forskning

Ilisimatusarfimmi ilisimatuutut misissuinerit assigiinngitsorpassuit paasisaqarfigikkit - s.i.:

Greenland Perspective
Kalaallit Nunaanni Peqqissusermik Ilisimatusarfik
Angerlarsimaffeqanngitsoq
Kalaallit Nunaanni tusagassiuutinik misissuineq
Meeqqanik, inuusuttunik ilaqutariinnermillu qitiusumik
Issittumi uuliamik gassimillu imm.
Qimmeq - qimuttup tarninganik paasiniaaneq
Issittumi utoqqalineq
Rockwell Kent
Survey of living conditions in the Arctic

Atuaruk ..

Ilisimatusarfik.ataatsimeeqataaneq, seminarinut peqataaneq

The World

Ilisimatoortavut nunani tamalaani ataatsimiinnernut, seminarinut ilinniartitsinernullu peqataasarput.

11
okt
2018
Ataatsimiinneq: Socialt udsatte grønlændere i Danmark (Odense, Danmark) (Steven Arnfjord)
19
okt
2018
Arctic Circle: Arctic Circle Assembly (Reykjavík, Island) (ilinniartut & sulisut, 19.10 - 21.10)

Nittartakkatsinni sulisuvut qanoq attavigisinnaaneritit takoriaannaavat.

Ilisimatusarfik.tusagassiuutit

Presse

Qaammammi kingullermi Ilisimatusarfik tusagassiuutikkut assigiinngitsunik taaneqartarpoq - s.i.:

Nittartagarput website aqqutigalugu tusagassiuutikkut taaneqarsimanerit pillugit atuarsinnaavatit.

Ilisimatusarfik | Grønlands Universitet | University of Greenland
P. O. Box 1061, 3900 Nuuk
www.uni.gl · mail@uni.gl · +299 38 56 00
Nutaarsiassat nassiuttakkatta kalaallisuui pisartagariunnaarniarukkit ugguuna taamaaliorsinnaavutit