Ilisimatusarfiup anguniagai nutaat
21.10.2015
Tusagassiorfitsigut nalunaarut
Ilisimatusarfiup siulersuisuisa qanittukkut akueraat ukiunut 2015-2020 anguniagassat nutaat.
Anguniakkani nutaani pingaartitat ilagaat ilinniagaqarfinni nutaanik aallarniinissaq, ilisimatusarnikkut suleqateqarnerup annertusarnissaa aammalu ilisimatusarnikkut siunnersuisarnerup piorsarnissaa kalaallinut issittumilu inuiaqatigiinnut iluaqutaasussanngorlugu.
Ilisimatusarfimmi pikkoriffigineqareersut toqqammavigalugit ukiuni 2015-2020 anguniagassat tallimat nassuiarneqarput:
- Ilisimatusarfiup ilinniakkat ingerlareersut pitsaanerulersissavai nutaanillu aallarnisaaneq siuarsarlugu
- Ilisimatusarnikkut siunnersuisarneq piorsarneqassaaq kalaallinut issittumilu inuiaqatigiinnut iluaqutaasussanngorlugu
- Ilisimatusarfiup iluani suliaqarfiit assigiinngitsut immikkut iluaqutigeqatigiissinnaanerat suleqatigiissinnaanerallu siuarneqassaaq
- Ilisimatusarfiup ilinniartut atorfillillu nunarsuup sinneranut pissutsinut naleqqussarnissaat siuarsassavaa
- Ilisimatusarfiup iluani immikkut piginnaanillit eqqummaariffigineqarneri qulakkiissavaa
Anguniakkat nutaat taakkuussapput universitetip 2020-p tungaanut ineriartornissaanik sinaakkusiisussat. Inuiaqatigiit pilertortumik ineriartornerisa apeqqutinik nutaanik akisassaqartuarnera pisariaqartinneqalersippaa, taamaattumillu Ilisimatusarfiup anguniagaasa qitiulluinnartut ilagilersimavaat suliaqarfiit annertusiartuinnarlutillu pitsanngoraluttuinnarnissaat, taamaaliornikkut universiteti Kalaallit Nunaanni ilisimatusarnikkut ilinniartitaanikkullu pisariaqartitanut naapertuuttumik tunniussaqartarniassammat.
Anguniakkat uani nassaarineqarsinnaapput: /om-os/bestyrelse/ilisimatusarfik-strategi-2015-2020.aspx.
Paasissutissanik sukumiinerusunik pissarsiffigineqarsinnaapput siulersuisut siulittaasuat Minik Rosing minik@snm.ku.dk, tlf.+45 3532 2368, imalt. +45 5150 6068 (mobil) - aamma rektor Tine Pars tipa@uni.gl, tlf. 385 602 imalt. 557 557 (mobil)
Kom nemt i kontakt med vores kommunikationskontor
Ilisimatusarfik pisussat
Ilisimatusarfik tusagassiuutini
Suliniummik ingerlakkusutaqarpit? Taava ilinniartuvut suleqatigisinnaavatit
Ilisimatusarfimmi oqalugiaatigineqarsimasut knr.gl-ikkut tusarnaakkit