Ilisimatusarfimmi - ujarlerpoq

Bacheloritut ilinniarsinnaaneq pilersinniarlugu suliniuteqarpoq

28.09.2015

Tusagassiuutinut nalunaarut

Rektori Tine Pars: Universiteti pinngortitamik ilisimatusarnermut bacheloritut ilinniarsinnaaneq pilersinniarlugu suliniuteqarpoq

Tallimanngornermi septembarip 25-ani Ilisimatusarfiup ukiumoortumik nalliuttorsiorneranut atatillugu, Tine Parsi oqalugiarnermini oqarpoq, nunatsinni pinngortitap isumalluutai aningaasarsiornikkut, nunattalu nunarsuarmioqatigiit akornanni inissisimaneranut atatillugu pingaaruteqartut, aamma tamanna universitetimi ilinniarneqarsinnaasut eqqarsaatigalugit takusinnaaneqartariaqartoq. Taamaalilluni inuiaqatigiit pisariaqartitaat naaperiarniarlugit universiteti suliassaqarfinnik annertusaassinnaavoq.

Nunami annermik isumalluutinik uumassusilinnik isertitaqarfiusumi aamma aatsitassarsiornermit isertitaqarnerulernissamik naatsorsuuteqartumi, universitetip peqataatinneqarnissaa paasinarpoq. Taamaattumik universiteti pinngortitamik ilisimatusarnermut bacheloritut ilinniarnissamut suliniuteqarluni aallartinniarpoq.

Universitetimi inissaaleqineq

Ukiuni amerlasuuni kingullerni ilinniartut aallartittartut amerliartorsimanerat qujamasuutigaarput. Ilinniartut tiguneqartartut takutippaat, inuusuttortavut Ilisimatusarfiup periarfissaaneranik takunnissinnaanngorsimasut, kisianni ilutigisaanik isumaqarpoq, ilinniartitsinissamut inissanik amigaateqariartortoqartuarsinnarmat.

Ilisimatusarfiup ilinniartitsissutigisartai maanna Nuummi sumiiffinnut pingasunut siammarsimapput, maannalu Ilisimatusarfiup siulersuisui ataatsimik campusiliorniarlutik sulissuteqarput, tassani ilinniarsinnaasat ataatsimut katersorneqarniassammata, taamalu ilisimatusarfiit ataasiakkaat akornanni suleqatigiinnerulernissamik ineriartortitsinissamut inissaqarsinnaanngorniassammat, aamma universitetimi sammineqarsinnaasut amerlisarlugit ineriartortitseqqittoqarsinnaaniassammat.

Ullumikkut ilinniartuutivut inissaqartittussaavagut, aamma siunissami. Allatut oqaatigalugu nuilarmioq sipilerpoq, allisinneqarnissaalu piffissanngorpoq. Inissaqarnerusariaqarpugut. Maanna ilinniartitsissutigisavut inissaaleqisut eqqarsaatigalugit tamanna pisariaqarpoq, kisianni aamma ilinniarneq nunap ineriartoqqinnissaanut piumasaqaataammat tamanna pisariaqarpoq,  aamma aningaasarsiornikkut siuariartornissaq, inuiaqatigiit pisariaqartittorujussuussaat, eqqarsaatigalugu.

Ilisimatusarfik ileqqutoqqanik pingaartitsilluni ukiut tamaasa nalliuttorsiortarpoq, tamatumunngalu atatillugu universiteti ataqqinaamik doktorinngortitsisarpoq, aamma universitetimi ilinniartut sulisullu saniatigut Namminersorlutik Oqartussanit, Kommuneqarfik Sermersuumit, inuussutissarsiortunit, atuisunit aamma allanit qanimut suleqatigineqartunit nalliuttorsiornermi peqataasoqartarpoq. 

Paasissutissaq annertunerusut piniarlugit saaffissaq: Rektori Tine Pars, tlf. +299 38 56 02, email: tipa@uni.gl.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk

Suleqatigiinneq

Suliniummik ingerlakkusutaqarpit? Taava ilinniartuvut suleqatigisinnaavatit

Atuaruk

Oqalugiarnerit KNR

Ilisimatusarfimmi oqalugiaatigineqarsimasut knr.gl-ikkut tusarnaakkit

KNR-imut linki