Ilisimatusarfimmi - ujarlerpoq

Oqalugiarnerit ataqqinaammillu doktorinngortitsineq

25.09.2015

Ilisimatusarfiup 2015-mi ukiumoortumik nalliuttorsiornera: Ilisimatusarfiup nakorsaq immikkut paasisimasalik Gert Mulvad aamma eskimologi Inge Kleivan ataqqinaamik doktorinngortippai

Ilisimatusarfiup 2015-mi septembarip 25-ani ukiumoortumik nalliuttorsiorneranut atatillugu rektorip Tine Parsip eskimologi Inge Kleivan aamma nakorsaq immikkut paasisimasalik Gert Mulvad Ilisimatusarfimmi ataqqinaamik doktorinngortippai.

Universitetip ukiuni 31-ni oqaluttuarisaanerani aatsaat arnaq universitetip ataqqinaamik saqqarmiuliuttagaannik tunineqarpoq. Aamma peqqissaanermik ilisimatusarfiup iluani siullermeerluni Ilisimatusarfimmi taamak iliortoqarpoq.

Inge Kleivan, arnaq siulleq universitetip ataqqinaamik doktorinngortitsineranik tigusisoq

Eskimologip Inge Kleivanip ataqqinaamik doktorinngortinneqarneranut tunngavilersuutitut, lektori Kennet Pederseni (Inuiaat piorsarsimassusaat oqaluttuarisaanerlu pillugit Ilisimatusarfimmeersoq) sassaartitsinerminut atatillugu oqalugiaamini oqarpoq, Inge Kleivan tassaasoq:

Inuk politikkimik soqutigisaqarluni nunat inoqqaavisa piginnaatitaaffiinik illersuillunilu oqariartuuteqartartoq. Inge aamma nunat inoqqaavisa oqallittarfiannik pilersitsinermut annertuumik pingaaruteqarsimavoq, pingaartumik issittumi inuiaat eqqarsaatigalugit. 

Kisianni ataqqinaaserneqarnermut pingaarnertut tunngavigineqarpoq, Inge Kleivanip ukiuni 60-ni Kalaallit Nunaat pillugu atuakkiortarsimanerata universitetimiit nersorniarneqarnera, aamma eskimologiip ilarujussuanut niviarsiavitoqavinngorsimasutut inissisimanera pillugu, taamalu eskimologiip iluani ilisimasortatut taaneqarsinnaalluni.

Gert Mulvad, peqqissaanermik suliassaqarfiup iluani siullerpaalluni Ilisimatusarfimmi ataqqinaamik doktorinngortinneqartoq

Universitetip ataqqinaamik doktorinngortitsineranut tigusisussap aappaa tassaavoq nakorsaq immikkut paasisimasalik, Gert Mulvad.

Aalborg Universitetimeersup, Ph.d.-p, nakorsaanerup aamma klinisk lektorip Stig Andersenip, Gert Mulvadip doktorinngortinneqarneranut ima oqaaseqarluni sassartitsivoq:

Gert Mulvadip nalilerneqarsinnaanngitsumik qasusuilluni imminussarsiornanilu nunami maani ilisimatusarneq ilinniartitsinerlu siuarsarsimavai.”Ilanngullugu Stig Andersen oqarpoq, Gerti tassaasoq nappaatit assigiinngitsorpassuit pillugit ilisimatuutut misissuinermi annertuumik issuarneqartartoq (soorlu uummatip ineeraa, endokrinologii, nerisat, timimik atuineq il.il.), aamma Gert Mulvadip saqqummersittagai nunarsuarmut tamarmut siaruarlutik soqutigineqartut.

Ilisimatusarfik ukiut tamaasa ileqqutoqqanik pingaartitsilluni nalliuttorsiortarpoq, tassani universitetip tunngavilerneqarnera malunnartinneqartarluni, aamma ullormi tassani universiteti ataqqinaamik doktorinngortitsisarpoq. Ataqqinaamik doktorinngortitsineq Ilisimatusarfimmi ilisimatuutut misissuiffiusut iluanni, inunnut ilisimatusarnermut immikkut takutitsisimasunut nersortarialinnullu tunniunneqartarpoq, tassalu ilisimatusarnermut atatillugu qaffasinnerpaamik ataqqinaaserneqarnissaat pissusissamisoortutut isigineqaraanngat.

Ataqqinaamik doktorinngortinneqartussatut piumasaqaat tassaavoq, pineqartoq annertuumik pingaarutilimmillu nunat assigiinngitsut akornanni suliniuteqarsimassasoq. Ilanngullugu pineqartoq Ilisimatusarfimmi nalinginnarmik pingaarutilimmik ilisimatuutut misissuillunilu ilisimatusartunik ilinniartitsisimassaaq, tikeraartitut ilinniartitsisimassaaq imaluunniit nunat assigiinngitsut akornanni ilisimatusarnermut atatillugu suleqatigiinneq aqqutigisimassavaa – imaluunniit pineqartoq aqqutissat allat atorlugit ukiuni amerlasuuni inuiaqatigiit ineriartornerannut suleqataasimassaaq.

Siusinnerusukkut ataqqinaamik doktorinngortinneqarsimasut tassaapput Robert Petersen, Michael Hauser, Henrik Wilhjelm, Finn Lynge, Christian Berthelsen, aamma ullumimiit Gert Mulvad aamma Inge Kleivan. 

Ataqqinaamik doktorinngortinneqarnerup saniatigut pineqartut kalaallit kuultiutaanik saqqarmiumik tunineqartarput.

Universitetimi ilinniartut sulisullu saniatigut, nalliuttorsiornermi peqataasut tassaapput Namminersorlutik Oqartussanit Kommuneqarfik Sermersuumiillu aallartitat, inussutissarsiortut, atuisut aamma qanimut suleqatigisat allat.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk

Suleqatigiinneq

Suliniummik ingerlakkusutaqarpit? Taava ilinniartuvut suleqatigisinnaavatit

Atuaruk

Oqalugiarnerit KNR

Ilisimatusarfimmi oqalugiaatigineqarsimasut knr.gl-ikkut tusarnaakkit

KNR-imut linki