Ilisimatusarfimmi - ujarlerpoq

Ilinniartitsinermik Ilisimatusarfimmi pisortat nutaat

08.12.2016

Tusagassiorfitsigut nalunaarut: Ilinniartitsinermik Ilisimatusarfimmi pisortat nutaat

1. januar 2017 aallarnerfigalugu Ilinniartitsinermik Ilisimatusarfimmi ilinniartitsisunngorniarnerup ineriartornerani iluarsaqqinneranilu aqutsisussanik pisortartaassaaq marlunnik.

Britta Lohmann institutimi pisortanngussaaq aammalu Parma Sonberg Egede immikkoortortami pisortanngussalluni.   

Taakku marluullutik qulakkiissavaat ilinniartitsisunngorniartarnerup patajaatsunngorluni ingerlallualernissaa, ilinniartitsisunik pikkorissunik nunamut tamarmut pilersuisoq aammalu pitsaassutsimik, piviusunngortitsinermik, piginnaasanik ineriartortitsinermik ilisimatusarfimmillu pingaartitsilluni akisussaaffilik.

Institutimi pisortap Britta Lohmannip akisussaaffigissavaa institutip periusissanut pilersaarutit naapertorlugit ingerlannissaa, ilisimatusarnermik tunngavilimmik ilinniartitsisunngorniartarnissaq kiisalu qulakkiissallugu avataaniit suleqatigisartakkanut attaveqarnissaq suleqateqarnissarlu.

Britta Lohmann ukiuni arlalinni Ilinniarfissuarmi ilinniartitsisunut ilinniartunillu siunnersortitut atorfeqartarpoq, aprilimiillu 2016 institutimi pisortaagallartutut atorfeqarluni.

Immikkoortortami pisortap Parma Sonbergip akisussaaffigissavaa ilinniartitsisunngorniarnerup ulluinnarni aqunneqarnera, kiisalu ilinniaqqittarnernilu ingerlatat. Parmap piffissami sivitsortumi misilittagaqarfigai ilinniartitsinikkut ingerlatat aqunnissaat, kiisalu meeqqat atuarfianni ilinniartitsisut sulinerminni aporfigisartagaat sukumiisumik ilisimasaqarfigalugit.

Rektor Tine Pars oqarpoq: ”Qilanaaraara institutimi pisortap Britta Lohmannip aamma immikkoortortami pisortap Parma Sonbergip aqutseqatitut suleqatigilernissaat, peqatigalugillu ilinniartitsisunngorniarnerup ineriartorteqqinnissaa ilinniartitsinermi ilisimatusarnermilu pitsaassuseq qitiutillugit”.

Ilinniartitsinermik Ilisimatusarnerup isumagai ilinniartitsisunngorniarneq (bachelorinngorniutaasoq), diplomitaarniarluni, masterinngorniarluni kandidatinngorniarlunilu ilinniaqqittarnerit, institutimissaaq ilinniartitaanermut ph.d-nngorniartoqartarpoq.

Paasissutissanik sukumiinerusunik piniarfigineqarsinnaavoq, rektor Tine Pars, tipa@uni.gl, tlf. 385602 imaluunniit 557 557.

Assit: Britta Lohmann aamma Parma Sonberg Egede



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk