Ilisimatusarfimmi - ujarlerpoq

Rockwell Kent-ip tumai atuarlugit

19.02.2016

Ameerikkamiup Rockwell Kent-imik atillup 1930-kkunni nunatsinniissimaneranik misissuinissamik NSF-mit aningaasaliiffigineqarnermik.

Nuannaarutigalugu nalunaarutigisinnaavarput Ilisimatusarfik-iup Ameerikkamilu ilisimatusarfiit marluusut, Rochester Institute of Technology-p kiisalu Binghamton University-p, akunnerminni suleqatigiinnerisigut ilisimatusaatigalugu suliaqarnissamik National Science Foundation-mit ukiuni marlunni atuuttussamik aningaasaliiffigineqarmata.

Misissuinissaq qulequtaqartinneqarpoq Rockwell Kent and Early 1930s Greenland: A Comparative View of Environmental, Social and Cultural Change in Comtemporary Greenland. Suleqatigiit tassaapput Jette Rygaard Axel Jeremiassen-ilu Ilisimatusarfik-meersut kiisalu Ameerikkameersut Denis Defibaugh aamma Susan Vanek.

Aallaqqaatigalugu Rockwell Kent-ip nunatsinniinnermini suliarisimasaanik assigiinngittunik katersuineqassaaq, soorlu qalipagarisarsimasaanik, assilisaanik, allagarisarsimasaanik allanillu ilisimatusarnermi atorneqarsinnaasunik katersugaasivinni, allagaateqarfinni toqqorsivinnilu suleqatigiinnikkut misissuineqassalluni.

Rockwell Kent 1931-miik 1932 ilanngullugu Illorsuanni ukiisimasoq, assiliinermik suliaqartarluni qalipaasarlunilu, kingornalu nunatsinni ukiinini atuakkiarisimallugu, tamatumalu saniatigut Rockwell Foundation-mik taasaminik aningaasaaateqarfiliorsimalluni nunatsinneersut qinnuteqarfigisinnaasaannik. Illorsuarni, Uummannami, Sisimiuni Nuummilu innuttaasunik atuartullu ilaannik suleqateqartoqassooq, apersuisoqarluni misissuinertalimmik.

Meeqqat atuarfiini akullerni atuartut piffinni taaneqartuni suleqatigineqassapput assigiinngittunik sammisaqartinneqartassallutik, kingornalu suliat ataatsimut katersorneqareerpata nunasiaataanerup nalaani ullumikkullu atugassarititaasunut sanilliunneqassallutik, inooriaatsip allanngoriartorneri pissutsit atuuttut allanngorsimaneri takusassiarilluarumallugt.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk