Ilisimatusarfimmi - ujarlerpoq

Tusagassiuutitigut nalunaarut: Ilisimatusarfiup ukiumoortumik nalliuttorsiornera

26.02.2016

Tallimanngornermi 26. februar 2016 Ilimmarfiup erfalasumaarutigissavai Ilisimatusarfimmi bachelorinngorlutik allagartartaartussat 34-t kandatinngortussallu tallimat. Kisitsisit takutippaat ukioq manna siornamut naleqqiullugu bachelorinngortut tallimanik amerleriarsimasut kandidatinngortulli pingasunik ikileriarsimasut.

Ilisimatusarfiup oqaluttuarisaanerani siullermeerutaasumik Nutserinermik Oqaluttaanermillu bachelorinngortoq Ilimmarfiup allagartartaartitsinerani nal. 10.00 aallartittussami tunniunneqassaaq. 

Isumaginninnermut tungasunut immikkoortortaqarfik amerlanerpaanik bachelorinngortitsissaaq, inunnik isumaginninnermi siunnersortitut bachelorinngortut 12-ussammata. Tullersortaapput tusagassiornermik bachelorinngortut arfinillit, ukiut 20-t ingerlaneranni aatsaat taama amerlatigisunik naammassisoqarmat, Kulturimut Inuiaqatigiinnullu Immikkoortortaq, Inuiaqatigiilerinermut Immikkoortortaq kiisalu Oqaasilerinermut, Atuakkialerinermut Tusagassiuutilerinermullu Immmikkoortortaq tamarmik immikkut tallimanik bachelorinngortitsissapput.

Ilisimatusarfiup immikkoortortaani quliusuni tallimaannaat kandidatinngortitsissapput, marluk Kulturimut Inuiaqatigiinnullu Immikkoortortaminngaaneersuullutik, allallu marluk Inuiaqatigiilerinermut Immikkoortortameerlutik ataaserlu Oqaasilerinermut, Atuakkialernermut Tusagassiuutilerinermullu Immikkortortaminngaaneerluni.

Nalliuttorsiornermi pisussat ilagaat oqalugiarnerit, nersornaasiinerit ilasseqatigiissitsinissarlu taakkulu akornatigut erinarsoqatigiittoqartassaaq erinarsortartumillu tusarnaartitsisoqassalluni. Ukioq manna arnaq inuusuttunnguaq erinagilluinnartoq qaqortormiu Thelma Kajsdottir Lyberth allagartartaartunut, ilaqutaasunut, ilinniartunut allanut, qaaqqusanut ilinniartitsisunulu aliikkusersuisussaaq.

Bachelorinngortut kandidatinngortullu soraarummeerusiaat qimerlooraanni taakku oqaluttuaraat ilinniartut inuiaqatigiinni ajornartorsiutit annertuut annikinnerusullu assigiinngitsut misissuinerminni itisiliiffigisimagaat.

-Kalaallit Nunaata danskit naalagaaffiannut ilanngunnera; Uniffik: kalaallisut uniffilersuisarneq; kalaallit eqqumiitsuliortut mutilerisullu akornanni ilisarnaatinik kulturimut tunngasunik atuineq; sumiorpaluutit nutsinermi allannermilu sunniutaat; kiisalu ”ilaqutariittut kingornussat pitsaanngitsut qimallugit nammineq allannguilluni inuuneqalerneq” – tamakkuupput ilinniagaqartut soraarummeerusiaanni qulequttat pissanganartut ilaannaat, ullumi nalliuttorsiornermut aallaaviusut, Instituttimi pisortat Mette Sonniks Gitte Tronheimilu oqarput.

Bachelorinngortut kandidatinngortullu 39-t akornanni angusarissaarnerpaat marluk nersornaatisissapput. KNI-p nersornaasiuttagaa tunniunneqartussaavoq bachelorinngortut akornanni agguaqatigiissillugu karakteeriginnerpaajusumut. Sulisitsisut Peqatigiiffiat aamma nersornaammik tunniussissaaq, kandidatinngortut akornanni agguaqatigiissillugu karakterigissaarnerpaajusumut.

Paasissutissat sukumiinerusut pissarsiarineqarsinnaapput ukua attaviginerisigut:

  • Instituttimi pisortaq Mette Sonniks, Inuiaqatigiilerinermik, Aningaasarsiornermik Tusagassiornermillu Ilisimatusarfik,  tlf. 38 56 72
  • Instituttimi pisortaq Gitte Trondheim, Kulturimik, Oqaatsinik Oqaluttuarisaanermillu Ilisimatusarfik, tlf. 38 56 52
  • Imm.pis. Jeanette Sandy Shalmi, Isum. Tunngasunik Immikkoortortaq, tlf. 38 56 69
  • Imm.pis. Maria Acrén, Inuiaqatigiilerinermi Immikkoortortaq, tlf. 38 56 63
  • Imm.pis. Naja Paulsen, Tusagassiornermik Immikkoortortaq/TI, tlf. 38 56 48
  • Imm.pis. Laila H. Pedersen, Nutsinermik Oqaluttaanermillu Immikkoortortaq, tlf. 38 56 44
  • Imm.pis. Karen Langgård, Oqaasilerinermik, Atuakkialerinermik Tusagassiuutilerinermillu Immikkoortortaq, tlf. 38 56 77


Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk