Ilisimatusarfimmi - ujarlerpoq

Siunissami ilisimatusartussat NUNAMED-eqarnissaanut kissaserput

06.10.2016

Peqqinnissaq pillugu ataatsimeersuarnissaq NUNA MED 2016 sioqqullugu, siunissami ilisimatusartussat inuiaqatigiinni ikittunnguanik innuttalinni ilisimatusarneq ileqqorissaarnerlu pikkorissarfigaat.

Peqqinnissaq pillugu ataatsimeersuarnissaq NUNA MED sioqqullugu ”Ph.d-nngornianik aasaanerani pikkorissaasarneq qulequtsiullugu aaqqissuisarneq ileqquliunnikuuarput. Ilisimatusartunut inuusuttunut ataatsimoorfimmik nammineq ilisimatusaatinik saqqummiussinissamut periarfissiisumik sammisanillu toqqakkanik itisiliilluni paasiniaasinnaanissamut” periarfissiisumik pilersitserusuppugut, Gert Mulvad, aasaanerani Ph.d-nngornianik pikkorissaanermi ilinniartitsisoq NUNA MED-imillu aaqqissueqataasoq oqarpoq.

Ph.d-nngorniat 14-it: ”Ethics and Research in Small Populations in Changing Environment” qulequtsiullugu pikkorissarnissamut peqataaniarlutik nalunaarsimapput.

Ph.d-nngorniat aasaanerani pikkorissarneranni issittumi ilisimatusarnermi siuttuusut peqinnissakkullu sullissisut misilittagartuut oqalugiarlutillu suleqatigiissutigisanik (workshop)- sammisani immikkut toqqakkani- ilaatigut inuiaqatigiinni ikittunnguani ileqqorissaarnermik ilisimatusarnermillu itisiliisuni aqutsisuussapput.

Ph.d-nngorniat namminneq ilisimatusaatitik atituut saqqummiutissavaat. Sammisanut ilaapput: Kalaallit Qallunaat Nunaanniittut Kalaallillu Nunaanniittut akornanni tingukkut aseruuttoorneq/tingulluut Hepatitis B, Kalaallit kræftimik piartuutillit nappaammut ersiutaannik katsorsaaneq qarasaasiakkullu nakorsiartitsissut atorlugu nikallunganermik nappaatilinnik katsorsaaneq.

Ph.d-nngornianik aasaanerani pikkorissaaneq Hotel Hans Egede-mi ingerlanneqassaaq,  Kalaallit Nunaannilu Peqqissutsimik Ilisimatusarfimmit kiisalu Peqqissaasutut ilinniartitaanermi Peqqissutsimillu Ilisimatusarnermi instituttimit.

The UArctic ThematicNetwork Health and Wellbeing in the Arctic suleqatigalugu- aaqqissuunneqarluni.

Paasissutissat sukumiinerusut Ph.d-nngornianik ilinniartitsisoq Gert Mulvad oqarasuaatikkut angallattakkakkut: 483253 imal. e-mail-ikkut: gm@peqqik.gl attavigalugu pissarsiarineqarsinnaapput



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk