Tusagassiornermik bachelorinngorniutit

01.02.2017

Januaarimi 2017 tusagassiortunngorniat tallimat soraarummeerlutik angusipput, taamalu tusagassiortunngorlutik.

Bachelorinngorniutit radiukkut tv-kkulluunniit aallakaatitassiaapput ilaatigut angerlarsimaffeqanngitsunut, aallarnisaasunut puigortunngornermullu tunngallutik.

Amerlanerit kalaallisut suliaapput, ilaallu KNR-ikkut aallakaatinneqareerput.

Uani soraarummeerutit ilaat tusarnaarneqarsinnaapput:

• Nathan Kreutzmannip soraarummeerutaa Nuummi angerlarsimaffeqanngitsunut tunngavoq. Aallakaatitassiami Kofoeds Skole pulaarneqarpoq, tassanilu arnaq angerlarsimaffeqanngitsoq oqaloqatigineqarpoq Kofoeds Skolep inuuneranut pingaaruteqassusia pillugu (aallakaatitassiaq ilanngutassiarlu naatsoq ugguuna naalaarsinnaavat)
• Malu Lange Pedersenip bachelorinngorniutaa radiukkut aallakaatitassiaavoq, tassanilu puigortunngortut kommunini qanoq assigiinngitsigisumik ikiorserneqartarnersut qulaajarneqarluni (aallakaatitassiaq ilanngutassiarlu naatsoq ugguuna naalaarsinnaavat)

• Nadja Stender Christiansenip bachelorinngorniummi TV-kkut aallakaatitassiaasumi inuusuttut Nuummiut marluk namminersorlutik suliffiutitaarsimasut malinnaaffigineqarput. Oqaluttuarineqarluni anguniakkatik angujumallugit sunik sorsugassaqarnersut (ilanngutassiaq naatsunnguaq & aallakaatitassiaq tamakkerlugu takukkit - qallunaatut)

---

---