Ilisimatusarfimmi - ujarlerpoq

Ilisimatusarfiup ukiumoortumik nalliuttorsiornera

29.09.2017

Ulloq 29. september 2017 Ilisimatusarfik ukiumoortumik nalliutorsiorpoq. Ukiummi tamaasa Ilisimatusarfimmi ileqqoq taanna ingerlanneqartarpoq, persuarsiutigalugu Universitetip pilersinneqarsimanera. 

Universitetimi nalliuttorsiorneq ingerlanneqarpoq oqalugiarneqartumik, erinarsoqatigiinnertaqartumik, ilinniartut sinnerlugit oqalugiartoqarnermik aammalu ph.d-nngortut naammassinerminnut uppernarsaatissaannik tunniussuinertaqartumik. 

Ataqqinaammik doktorinngortitsineq

Ukiumoortumik nalliuttorsiornermi aamma ukioq manna ataqqinaammik dotorinngortitsisoqarpoq. Ukioq mannalu tulluusimaarutigaarput ataqqinaasiineq taanna Jakob Janussenimut tunniussinnaagatsigu. 

Jakob Janussen Namminersornerullutik Oqartussani pisortaasimavoq, Namminersorneq Pillugu Ataatsimiititaliarsuarmi siulittaasuusimalluni aammalu kalaallit qallunaallu Namminersorneq Pillugu Ataatsimiititaliarsuata allattoqarfiani pisortaasimalluni. Kiisalu Jakob Janussen ukiorpassuarni inuiaqatigiinni oqalliseqataasarsimavoq taamatullu suliaqarnermigut Kalaallit Nunaanni inuiaqatigiit ineriartornerannut annertuunik tunniussaqartarsimalluni.

Jakob Janussenip inuiaqatigiit kalaallit akornanni pingaaruteqartumik qaammarsaanermut ilinniartitsinermut, politikkikkut sulinissamik ilusilersuinermi aammalu Namminersornerullutik Oqartussat ulluinnarni allaffissornikkut sullinneqarnerannut atatillugu suliarpassui tunngavigalugit matumani Ilisimatusarfimmi ataqqinaammik doktorinngortinneqarpoq. 

Ph.d.-nngornermi uppernarsaasiissutit ilinniarnerullu pingaaruteqarnera 

Ukioq manna aamma rektoriugallartup Suzanne Møller-ip ph.d.-nngortunut marlunnut uppernarsaatit tunniuppai. Andreas Møller Jørgensen allagartartaarpoq soraarummeerutini: The Power Inherent in E-Democracy: Greenlandic Experiences, Practices, and Visions tunngavigalugu. Ann Eileen Lennertilu pappialartaarpoq soraarummeerutini: A Millennium of Changing Environments in the Godthåbsfjord, West Greenland - Bridging cultures of knowledge tunngavigalugu.

Ilisimatusarneq ilinniarnerlu Ilisimatusarfiup ingerlanerani tunngaviupput, Suzanne Møllerillu oqalugiarnermini tunngavigivaa ilinniarnerup qanoq pingaaruteqartiginera:  

Ilinniarneq piginnittuulernermik tigusineruvoq. Ilinniagaqarnermi inuiaqatigiinni allanit tamanit annertunerpaamik allannguisuusarpoq. Tassami ilinniagaqarneq aningaasaqarnermut, attartussutsimut, peqqissutsimut, ineriartornermut, allannguinermut allarpassuarnullu pingaaruteqarami”.

Univerisitetimi ilinniartuusut atorfillillu saniasigut, Namminersorlutik Oqartussat aammalu Kommuneqarfik Sermersuup, namminersorlutik inuussutissarsiortut allallu suleqatigineqartartut sinniisaat nalliuttorsiorpalaartumik persuarsiornermi peqataapput.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk