Ilisimatusarfimmi - ujarlerpoq

Savimmik qalipaasiummillu

18.09.2017

Billedkunstimik linjefagqarlutik ukiut aappassaanni pingajussannilu ilinniartuusut, iliniartitsisortik avataaneersoq, Henrik Saar peqatigalugu,  Ilinniarfissuup illutaanni allaffeqarfiusumi qalipakkanik assigiinngitsunik saqqummersitsipput.

Saqqummersitsineq taaguuteqartinneqarpoq: ”Savimmik qalipaasiummillu”.

Geometrimi tunngaviusumik ilinniartitsineq taaguutit ukuusut aallaavigalugit: pingasunik assigiiaartunik teqeqqulik/sinarsualik, sisamanik teqeqqulik issoqqarissoq aamma nigalik, teqeqqorpalinnillu malunnaatillit tunngavigalugit ilinniartinneqarneq, assini nutaaliaasuni ilutsit qalipaatsillu atorneqartuni tunngaviliisut.

Aamma ilinniartut suleriaasaanni oqaloqatigiinneq pingaartinneqarmat assilialiornerminni marlukkaarlutik sulipput. Qalipaallutik assilialiorneranni soorunami qalipaasiutit atorneqaraluartut, qalipakkat uumassuseqartilerniarlugulusooq iluseq eqalersinniarlugillu ilaatigut savik aamma atorneqartarpoq. Aammali ajassaatit sakkulluunniit allat atorneqarsinnaasimagaluarput.  Sulinermi ”Contemporary Art” qitiutinneqarpoq, taamaaliornikkut assilialiaq oqaluttuarisaanermi ileqqorisanut aamma kulturimi attaveqatigiinnermut, kulturit arlariinnit aamma isikkivilertarlugu naleqqiunneqartarluni.

Ilinniartut atuartinneqarnerminni misilittagariligaat erngerlutik meeqqat atuarfianni 5. klassimiit højskoleni inersimasunik atuartitsinermut assigisaannullu tutsinneqarsinnaalluarput. Suleriaatsip ilusiligaanera atuartitsissusiornermi isumaliutersuutaasinnaasunik assersuutitaqarpoq, sukumiisumik aammalu nalinginnarmik assilialerinermik atuartitat suliaqartitsinissaanni ilinniartitsisutut isumaliutersuutigisariaqartunik.

 



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk