Kulturimik, Oqaatsinik Oqaluttuarisaanermillu Ilisimatusarfimmi pisortaq
21.02.2018
Instituttimi pisortaavoq
Aage Rydstrøm-Poulsen
Rektoriusimasoq, immikkoortortaqarfimmi pisortaq, lektori, ph.d. & dr. theol. Aage Rydstrøm-Poulsen (1951-imi inunngortoq) marsip 1-ani ilisimatusarfimmi pisortatut atorfinissaaq Kulturimik, Oqaatsinik Oqaluttuarisaanermillu Ilisimatusarfimmi.
Kulturimik, Oqaatsinik Oqaluttuarisaanermillu Ilisimatusarfimmi ilinniarneqartarput Oqaatsit, Atuakkiat Tusagassiuutilerinerlu; Inuiaat kulturiat oqaluttuarisaanerallu; Teologi kiisalu Nutserisoq oqalutsilu.
Aage Rydstrøm-Poulsen 1993-imi teologimi ph.d.-nngorpoq 2002-milu dr.theol.-inngorluni – taakku tamaasa ilinniagarai Københavnip Universitetianiit.
Taakkua saniatigut Aage Rydstrøm-Poulsen ukiorpaalunni Ilisimatusarfimmi atorfeqarsimavoq assigiinngitsut pisortaaffigalugit:
- 2004 - 2007: Teologimik ilisimatusarfimmi pisortaq
- 2008: rektori
- 2009 - maannamut: Teologimik immikkoortortaqarfimmi pisortaq
Aage Rydstrøm-Poulsenip pisortaanermik misilittagaqarnera ilinniakkanillu pilersaarusiornermik soqutigisaqarnera, ilinniakkat akimorlugit ilisimatusarneq paasissutissiinerlu Aagep atorfinitsinneqarneranut pissutaapput pingaarnerit.
Aage Rydstrøm-Poulsen misilittakkani pissutigalugit Ilisimatusarfimmi ilisimatoortavut ilinniartitsisuvullu peqatigalugit ilisimasani piginnaaninilu atorluarsinnaassavai taamaalillunilu Ilisimatusarfimmi ilisimatusarnerup inuiaqatigiinnut iluaqutaanissaanut taperseeqataassalluni.
Aage Rydstrøm-Poulsenip Ilisimatusarfimmi pisortanngornermi saniatigut Teologimik immikkoortortaqarfimmi pisortaanini ingerlatiinnassavaa.
Paasisaqarnerorusukkuit uunga attaveqaannarina: rektori Gitte Adler Reimer gitr@uni.gl aqqutigalugu.