Qimmeq - ilisimatuutut misissuineq
01.06.2018
Atuaruk "Qimmeq – qimmip
qimuttup tarninga paasiniarlugu"
Qimmeq - qimmip qimuttup tarninga paasiniarlugu
Nunatsinni qimussernermik ileqqut qamusioriaatsillu ukiut 4.000-t matuma siornali atuutilereersimapput.
Qimmeqarsimanngikkaluarunik kalaallit siulii Thulekulturimeersut issittumi silarsuarmik nutaamik nunaqalerniarnerat ajornakusoorsimassagaluarpoq, aamma Robert Pearymut Roald Amundsenimullu Qalasersuarmut Qalasersuarmullu Kujallermut anngunnissaq ajornarsimassagaluarpoq.
Ullumikkut qimussernermik ileqqut, qimusseriaatsit qimussernerullu silarsuaa pillugit Kalaallit Nunaanni innuttaaqatigiinni nalinginnaasumik ilisimasaqartoqarpoq – ilisimasallu tamakku qimmip qimuttup tarninganik taassallugit tulluarpoq. Ilisimasalli tamakku ilarpassui allattorsimanngillat, maannalu qimuttoq ilisimasallu immikkorluinnaq ittut aanngariartoriaannaapput.
Taamaattumik qallunaat kalaallillu ilisimatusarnikkut misissueqatigiilerput qimmip qimuttup tarninganik paasiniaallutik, ilisimatuullu Nunatsinni innuttaasunik qanimut suleqateqarlutik ilaatigut qimmip qimuttup kulturikkut pingaaruteqassusianik allaatiginnissapput DNA-vinillu oqaluttuarisaanerannik erseqqissaallutik.
Ilisimatuutut misissuineq qanimut suleqatigiinnermik tunngaveqarpoq katersugaasivinnillu 13-init universitetinillu marlunnit peqataaffigineqarluni. Ataatsimoorlunisuliaq professorimit Morten Melgaardimit ataqatigiissarneqarpoq allattoqarfimmi Ilisimatusarfimmiittumi.
Alakkaruttaaq ilisimatuutut misissuiffiup Qimmip Facebookimi quppernera.