"Kammagiitta"
28.05.2018
Sapaatip-akunnera 16 Ilinniarfissuarmi immikkooruteqarpoq.
Nunatta Isiginnaartitsisarfia suleqatigalugu uagut, Ilinniarfissuarmi ukioq siulleq ilinniartuusugut, illoqarfimmi atuartunut nukalernut isiginnaartitsissusiorpugut.
Nunatta Isiginnaartitsisarfiata sungiusaatissanik/sammisassanik unamminarnarsinnaasunik – nuannivissunilli – piareersaassimavaatigut.
Sammineqarpoq kulturi, tamatumunngalu tunngatillugu isiginnaartitsissusiaraarput ”Kammagiitta” – qinngasaarunnata – tamatta ikinngutigiinnissatsinnut assigiinngissutitsinnillu ataqqinninnissatsinnut tunngasoq.
Isiginnaartitsissusiarput meeqqanit nuannarineqaqisoq iluatsilluaqaaq.
Sapaatip-akunnera isiginnaagassialiorfiusoq ukiut tamaasa pisarpoq ilinniartutut qilanaarineqartartoq – illoqarfimmimi meeqqat tamarmik aamma qilanaarisarpaat.
Qiimmaallannartumik inuulluaqqusilluta
1. S a+b
