Korea-Kujallermi Arctic Academymut toqqagaasoq
08.05.2018
Ilisimatusarfimmi ilinniartoq Kim Insuk Korea-Kujallermi Korean Arctic Academymut 2018-imi juulip 5-ianiit 14-iata tungaanut pisussamut peqataasussatut toqqagaavoq.
Ilinniartut UArctic-imeersut Korea-Kujallermeersullu 20-t peqatigalugit Kim Insuk ilinniartitsinernut oqallinnernullu peqataassaaq, issittumik sammisaqarfiusunut pulaarluni Korea-Kujallermilu ileqqutoqqanik pissutsinillu nutaanik misigisaqartinneqarluni.
Korean Arctic Academyp siunertaraa ilisimatusartut Issittumi nunallit Korea-Kujallermiullu paaseqatigiinnerulernissaat ilisareqatigiinnissaallu.
Ilisimatusarfiup Kim Insuk toqqagaanera pillugu pilluaqqungaarpaa.