Ph.d.-nngorniummik illersuineq, Jette Rygaard
02.03.2018
Ph.d.-nngorniummik
illersuineq, Jette Rygaard
Oqaatsinut, Atuakkialerinermut Tusagassiuutilerinermullu Immikkoortortami aqutsisup, Jette Rygaardip, ph.d-nngorniutigalugu ilisimatuutut allaatigisani nassuiassavaa Aalborg Universitetimi tallimanngornermi marsip 9-ani 2018.
Jettep ph.d.-nngorniutimini kalaallit inuusuttut tusagassiuutinik qanoq atuinerannik misissuisimavoq, 1996-ip 2016-illu akornanni Kalaallit Nunaanni illoqarfinni inuusuttut 12-25-nik ukiullit tusagassiuutinik atuinerannik annertussutsimik pitsaassutsimillu misissuinerit aqqutigalugit.
Ph.d.-nngorniummi apeqqutit makku akissutissarsiorneqarput:
- Tusagassiuutit suut inuusuttut ulluinnarminni atortarpaat?
- Sunik soqutigisaqarpat?
- Inuusuttut tusagassiuutinik atuinerminni pingaarnertut suut unamminiagarisartagaraat, assersuutigalugu atorsinnaaneraat?
- Inuusuttut taakku maanimiuullutik silarsuarmi nunarsuarmioqataaffiuleraluttuinnartumi tusagassiuutit kinaassutsiminnik inuunerminnilu atukkaminnik pitsanngorsaanermut qanoq atortarpaat?
Ph.d.-nngorniummik illersuineq pissaaq marsip 9-ani 2018 nal. 13.00-16.00 auditoriami A.C. Meyers Vænge 15-imi Københavnimiittumi.
Institut for Kommunikation & Psykologi Aalborg Universitetimiittoq ph.d.-mik illersuinerup kingorna ilaseqatigiissitsissaaq. Najuukkumalluni nalunaarnissaq pisariaqanngilaq, kikkullu tamarmik tikilluaqqusaapput.
Jette aamma ph.d.-nngorniutini pillugu tamanut ammasumik oqalugiassaaq Ilisimatusarfimmi marsip 21-ani nal. 15.15, kingornalu nal. 16.00 ilasseqatigiittoqassalluni.