Ilisimatusarfimmi - ujarlerpoq

Ilisimatusarfiup Tusagassiorfimmit Sermitsiaq AG-mit Tusagassiuutit pillugit nalunaarummik allaaserisaq Tusagassiornermik Nakkutilliisoqarfimmut naammagittaalliutigaa

12.11.2018

Ilisimatusarfiup Tusagassiorfimmit Sermitsiaq AG-mit Tusagassiuutit pillugit nalunaarummik allaaserisaq Tusagassiornermik Nakkutilliisoqarfimmut naammagittaalliutigaa

2018-imi oktobarip 24-ani Ilisimatusarfiup nalunaarut "Tusagassiuutit" saqqummiuppaa. 

Tamatuma kingorna Tusagassiorfik Sermitsiaq AG pingasunik allaaserisaqarpoq, taakkunanilu tusagassiorfimmi tamatumani aaqqissuisuuneq siulersuisullu siulittaasuat nalunaarummik isornartorsiuipput Ilisimatusarfillu kajumissaarlugu nalunaarummik tunuartitseqqullugu. 

Allaaserisat allataapput allanik najoqqutaqarnani. Ilisimatusarfik allaaserisat naqiterneqannginneranni isornartorsiutinik eqqartuiffigineqanngilaq - taamalu isorinnissutinut akissuteqarnissamut periarfissaqarsimanani. 

Tusagassiornermi ileqqorisassat naapertorlugit "saassussinerit akissutillu" ataqatigiissinneqartariaqarput immikkullu isornartorsiuinerit allaaserisani ilanngunneqartut isornartorsiukkanut saqqummiunneqaqqaartariaqarlutik akisoqarnissaanut periarfissiiniarluni.

Ilisimatusarfik aalajangerpoq allaaserisaq tamanna Kalaallit Nunaanni Tusagassiornermik Nakkutilliisoqarfimmut naammagittaalliutiginiarlugu.

Ilisimatusarfimmit pingaartinneqarpoq Ilisimatusarfiup Nunatsinni inuiaqatigiinni ilisimatuutut misissukkat oqallisigineqartarnissaat. Ilisimatusarfiup isornartorsiutit tunngavilersukkat ammaffigaat, pitsanngorsaanissamummi periarfissaqartuaannarpoq. Iluameerlunili malittarisassanillu ataqqinnilluni isornartorsiuisoqartartussaavoq. Tamanna pingaaruteqarpoq, ilisimatuutut misissuinikkut nalinginnaasumik paasissutissiisoqarnissaa pillugu, aammattaaq universitetimi sulisut isornartorsiorneqarlutillu isorinnissutinik iliuuseqarfiginnittussat pillugit.

Taamaattumik ilisimatuutut misissuinerit sorpiaat tusagassiuutini oqallisigineqarsinnaanerannik paasinnilluartoqarnissaa siunertaralugu Ilisimatusarfiup Kalaallit Nunaanni Tusagassiornermik Nakkutilliisoqarfik qinnuigaa taamatut allaaserinneriaaseq tusagassiornermi ileqqorisassanut naapertuunnersoq isummerfigeqqullugu.



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk