Ilisimatusarfimmi - ujarlerpoq

Tusagassiuutinut nalunaarut - MIIQI

05.11.2018

Matumuuna Ilisimatusarfiup nuannaarutigaa ulluni marlunni ataatsimeersuarnissamut matumunnga qaaqqusisinnaanini Meeqqanik, Inuusuttunik Ilaqutariinnermillu Qitiusumik Ilisimatusarfik - MIIQI

Pilersaarutigineqarpoq ilisimatuut inuusunnerit utoqqaanerillu naatsunik takinerusunillu saqqummiussaqartarnissaat, ilinniartut aammattaaq ilisimatuut avataaneersut aamma meeqqat, inuusuttut ilaqutariillu pillugit ilisimatuutut misissuinermi suliaqartut misissugaannik sammisaqallatsiarnissaq. 

MIIQI-mit siunnerfigineqarpoq inunnik illoqarfimmeersunik Nunatsinneersunillu, meeqqanik, inuusuttunik ilaqutariinnillu suleqateqartartunik soqutiginnittunilluunniit suleqateqarnissaq, taamaattumillu neriuutigaarput inuit sapinngisamik amerlanerpaat peqataarusunnissaat.

Aalajangersimasumik ataatsimik sammisaqartoqarnavianngilaq, ilisimatuut soqutigisaqartullu sammineqartussanik assigiinngitsorpassuarnik siunnersuuteqarsimammata, sammineqartulli pingaarnerit tassaassapput: Meeqqat, inuusuttut ilaqutariillu. Tamatumunngalu tunngasut sammineqartussat ilagaat: Meeqqat, inuusuttut, ilaqutariit ilinniagaqarnerlu – Meeqqat inuusuttullu ajornartorsiortut – Meeqqat inuusuttut, oqaatsit pisinnaatitaaffiillu aamma Meeqqat inuusuttullu, sunngiffik inuunermilu atukkat. 

Ataatsimeersuartoqassaaq Ilimmarfimmi sisamanngornermi novembarip 8-anni, nal. 9-17 (auditoriami + lokale 1-12) aamma tallimanngornermi novembarip 9-anni, nal. 9-17/18 (auditoriami).

Neriuppugut ataatsimeersuarnerup kinguneranik antologiimut tapiissuteqartoqarsinnaassasoq, ataatsimeersuarnermi sammineqartut ima eqikkarneqarsinnaallutik: Meeqqat, inuusuttut ilaqutariillu atugaannik qanoq ilisimasaqartigivugut aamma sunut tunngatillugu ilisimasaqarnerusariaqarpugut? 



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk