Ilisimatusarfimmi - ujarlerpoq

17th International Congress of Circumpolar Health

03.09.2018

Aggustip 12-ianiit 15-ianut International Congress of Circumpolar Health (ICCH17) pillugu ataatsimeersuarnerit 17-issaat Københavnimi pivoq - 400-nit amerlanerusunit peqataaffigineqartoq.

Ukiut marluk allortarlugit ataatsimeersuartoqartarpoq International Union for Circumpolar Health-imillu (IUCH) aaqqissugaasarluni. 

Ukioq manna ataatsimeersuarneq "Moving Circumpolar Health Forward"-imut tunngavoq - nunani issittumiittuni peqqissutsimik suliaqarfiit siunissami qanoq innissaat sammineqarluni silap pissusiisa allanngorarnerat aamma inuiaqatigiinni pissutsit inuunermilu atukkat allanngornerat aallaavigalugit.

Ataatsimeersuaqataapput Peqqissutsimik Ilisimatusarfimmeersut ilarpassui - arfinilinnik oqalugiaateqarlutik keynote-ilu atorlugu marlunnik saqqummiussaqarlutik. 

Greenland Perspective-imi ph.d. aamma post.doc. Aviaja Lyberth Hauptman ataatsimeersuarnermi Jens Peder Hart Hansen-pris-imik pingaarutilimmik nersornaaserneqarpoq ilisimatuunut inuusuttunut issittumi ilisimatuutut misissuinermi piukkunnaateqartunut tunniunneqartartoq.  

Skærmbillede 2018-08-27 Kl . 12.25.29 PM

Aviaja ilisimatuutut misissuinermi suliani, peqqissutsimik ilisimatusarnermi pinngortitamilu ilisimatusarnermi nutaanik periaaseqarnini Nunatsinnullu sinniisuulluarnini pillugu nersornaasigaavoq. 

Aviaja nersornaaserneqarnerani pilluaqqungaarparput.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk