CEE-Network naapeqatigiinneq Riga, Letland
09.10.2019
Septemberi naalersoq avannamioqatigiit naapeqatigiittartut ataatsimoornerannut ilaavugut. Naapeqatigiittarneq ateqarpoq Nordplus Horizontal's Creative Environmental Education / CEE Network, tassani ataatsimiinnermi atuarfeqarfinni sulisut aassigiinngitsut naapeqatigiipput. Angalanerlu aaqqissorneqapoq David Yoken-imit, Turun AMK:n Taideakatemia Turku Arts Academy, Turku University of Applied Sciences, Finland.
Naapeqatigiinnerup attaveqaqatigiinnerup siunertarivaa atuarfinni nutaaliorsinnaaneq, avatagiisitsinnut eriaginnissinnaaneq taavalu ilinniarneq. Taakkua siunertaritinneqartut aallaavingalugit naapinneq pilersinneqarpoq. Naapinnermi eqqartorneqarput saqqummiunneqarlutillu EKO-schools, meeqqat atuarfiannullu pulaarnerit ingerlanneqarlutik. Naapeqatigiinnermi meeqqat atuarfii assigiinngitsut pulaarneqarput, ilinniangartuunngorniarfillu aamma pulaarneqarluni. Pulaarnerni pissarsiarineqarpoq qanoq atuarfinni assigiinngitsuni nutaaliorsinnaaneq atoqqiinerlu ingerlanneqartarnersoq. Pulaarnitsinnut takornariarnitsinnullu pissasinarpoq qanoq ilinniariaatsit taavalu ilinniartitsineriaatsit ingerlanneqarnersut atoqqiineq aallaavingalugu. Minnerinngitsumillu “atuarfik qorsuusoq” “grøn skole” - ECO-Schools, pillugu saqqummiusisoqarluni. Tassani eqqartorneqarpoq qanoq atuartitsineq avatagiisitsinnut eriaginninnissaq aallaavingalugu ingerlanneqarsinnaanera.
Neriuutingalungulu siunissami uangut nunatsinni atuarfiit ECO-Schools aallavingalugit atuartitsinerit amerlanerulersinnaanissaat. Tassani atuartitsineq avatagiisimut eriaginneq taavalu nutaaliorneq atorlugu atoqqiisinnaanermut aallaaveqartumik atuartitsisinnaaneq eqqunneqarsinnaammat.
Napeqatigiinnermut avannaamioqatigiit peqataasut ukuupput:
- Ilisimatusarfimmiik – Ilinniarfissuarmi atuartitsisut Ivalo Abelsen aamma Ivaaq Kriegel angalaqatingaallu ilinniartut marluk Jakobine Petersen aamma Jonna Serritzlev
- Finland: Turku Arts Academy, Turku University of Applied Sciences
- Finland: Pääskyvuori Primary School
- Denmark: Sabro Korsvejskolen
- Iceland: Garðaskóli
- Grønland: Nuuk Internationale Friskole og Kangillinnguit Atuarfiat
- Letland: Privātā vidusskola "Patnis”
