Ilisimatusarfimmi - ujarlerpoq

Illersornissamut ilinniarfiup Ilisimatusarfiullu qaninnerusumik suleqatigiilernerat

04.10.2019

Nittartagaq www.fak.dk

Isumannaallisaanikkut politikkimi Issittumik allanngortoqarpoq – suleqatigiinnissamik pisariaqartitsisumik 

Illersornissaqarfiup ilinniarfiata ukiumoortumik ataatsimeersuartitsinerani Nuummi oktoberip aallaqqaataanit pingajuannut ingerlanneqartoq Ilisimatusarfik Issittumilu Sakkutooqarfik suleqatigalugit aaqqissuunneqarpoq. Ukioq manna qulequtarineqarpoq: "Issittumi isumannaallisaanikkut politikkimi allanngoriartulerneq – Naalagaaffeqatigiinnit Illersornissaqarfimmillu isigalugu."

Ataatsimeersuarnermut atatillugu ilinniarfeqarfiit marluk siunissami qaninnerusumik suleqatigiinniarlutik isumaqatigiissutqarput, siunissami issittoq pillugu ilisimasanik avitseqatigiittarnissat, tassunga ilanngullugu Danmarkip Kalaallit Nunaatalu akornanni paarlaasseqatigiissinnaaneq ilinniaqqinnissamullu tunngasut taamtullu FLEX-ip immikkoortortaanut neqerooruteqarsinnaaneq.

Illersornissaqarfiup ilinniarfiani immikkoortumi aqutsisoq Peter Dahl Thruelsen ima oqaaseqarpoq: "Paatsoorneqarsinnaanngitsumik issittumi sumiiffimmi piffissami allanngoriartorfimmiipputgut. Taamaattumillu Naalagaaffeqatigiinni aalajangiisussaqartillugu tunngaviusumik ilisimasassanik misissorluarneqarsimasunik tunngaveqarnissaq pingaaruteqarluinnarpoq. Tassani Illersornissamut Ilinniarfik Ilisimatusarfillu ilisimasanik danskit oqartussaasuinut, Illersornissaqarfimmut tamarmut, Danmarkimi Naalakkersuisunut Kalaallit Nunaannilu Namminersorlutik Oqartussanut iliusimasanik tunniussaqarsinnaapput. Ilinniarfeqarfiit marluusut qaninnerusumik suleqatigiilernerisigut Kunngeqarfiup Issittumut suliaqarnerani siuttutut inissisimatissinnaaneranut tapertaassapput, massakkutut naalagaaffeeqqatut pissusilersorunnaarluni", immikkoortumi aqutsisoq taama oqarpoq.

Kalaallit universitetianni Ilisimatusarfimmi pisortaasup Gitte Adler Reimerip suleqatigiinnissaq qilanaaraa: "Sapaatip akunnerani uani Illersornissamut Ilinniarfimmik qaninnerusumik suleqatigiilernissaq pillugu sapaatip akunnerani matumani ataatsimeeqateqarnerput Ilisimatusarfimmut nuannaarutissarujussuuvoq, qularinngilluinnarparalu tamanna illuatungeriinnit iluaqutigilluarneqarsinnaavoq. Nunarsuarmi pissutsinut nutaanut ingerlaarpugut – tassani Kalaallit Nunaat nunarsuarmioqatigiinni eqqissisimatitsiniarnermi eqqissiviilliornerniluunnit annertunerujartuinnartumik pingaaruteqaleriartorpoq. Taamaattumillu Kalaallit Nunaata Danmarkillu ilisimasassat issittumi diplomati pillugit ilisimatusarnerit isumannaallisaanermullu politikkimi annertunerusut pisariaqartissavaat."

Illersornissamut Ilinniarfik Illersornissaqarfillu Naalagaaffeqatigiinnut tamanut atuuppoq

Illersornissamut Ilinniarfimmi pisortaq kontreadmiral Henrik Ryberg tamatuma ni isumaqataavoq: "Uannut naqissusissallugu pingaaruteqarpoq illersornissaqarfik Illersornissamullu Ilinniarfiup Naalagaaffeqatigiinnut tamanut atuuttuunera. Ilisimasavut-, ilinniartitaanikkut pikkorissaanikkullu neqeroorutigut tamanit takuneqarsinnaassapput – Danmarkimuinnaanngitsoq aammali Kalaallit Nunaannut Savalimmiunullu neqeroorutaassallutik. Tamanna Ilisimatusarfimmik qaninnerusumik suleqateqarnissamut isumaqatigiissutip naqissuserpaa, illuatigullu immitsinnut annertuumik ilinniarfigisinnaanerput ersersillugu. Illersornissami Iliniarfimmi Illersornissami suleqataasut, sakkutuut Sillimmataasullu ilinniartinneranni ineriartortinnerannilu suliassanut tapertaalluarsinnaallutik", admiralen taama oqaaseqarpoq.

Ilinniartitaanermut, Kultureqarnermut, Ilageeqarnermut Nunanullu allanut Naalakkersuisoq Ane Lone Baggerip qaninnerusumik suleqatigiilernissamut nuannaarutinnippoq: "Immikkoortortami aqutsisoq Peter Dahl Thruelsen Issittumi ineriartorneq pillugu oqaatigisaanut isumaqataavunga. Tamanna uagutsinnut immikkut suliassaavoq, Issittormi angerlarsimaffittut taajorparput. Taamaattumillu Issittumi Issittoq pillugu ilisimasanik ineriartortitseqataanissatsinnut periarfissinneqarnerput nuannaarutigisorujussuuara. Uagut Issittumi najugaqartuusugut aallaavigaluta Issittoq suunersoq nassuiassallugu, tassanilu Kalaallit Nunaanni ilisimasanik ineriartortitsineq aallaavissatsialaasoq isumaqapunga."



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk