Ilisimatusarfimmi - ujarlerpoq

Ilisimatusarfik oqaatsinut politikkeqarnissaq pillugu workshoppeqartitsimmat oqariatuutit erseqqipput

25.09.2019

Tusagassiorfinnut nalunaarut

Ilisimatusarfik oqaatsinut politikkeqarnissaq pillugu workshoppeqartitsimmat oqariatuutit erseqqipput

Sapaatip akunnerata siuliani ulluni septemberip 17-ianni 18-ianni, 19-iannilu 2019 Ilisimatusarfimmi sulisut ilinniartullu oqaatsit pillugit politikkeqarneq pillugu ullormik ataatsimik sivisussuseqartunik workshoppertinneqarnerminni oqariartuutaat erseqqipput.

Ilisimatusarfiup qaffasissumik ilinniarfittut kiisalu suliffeqartittut ingerlatsinermini avammullu atassuteqartarnermini kalaallisut, danskisut tuluttullu oqaatsit atorfissaqartikkai sulisunit ilinniartunillu isumaqatigiissutigineqarpoq, oqaatsillu pillugit politikki tassaasariaqartoq oqaatsit atukkat apeqqutaatinnagit tamanut inissaqartitsineq.

Ilisimatusarfimmi sulisut ilinniartullu assigiingitsunik oqaaseqartuusut kalaallit oqaasiinik isiginninneq pitsaanerusoq ujartorpaat. Taakku isumaqarput oqaatsinik akaarinninneq erseqqissarneqartariaqartoq, kalaallit oqaasiisa atorneqarnerat amigartutut isigineqarluni.

Erseqqissarneqarpoq kalaallisut, danskisut tuluttullu oqaatsit tamarmik pingaaruteqartut. Oqaatsit taakku pingasut tamarmik isumalluutaapput pisariaqartinneqarlutillu, taamaattumillu aporfissalersorneqassanngitsut Ilisimatusarfimmi sulisut ilinniartullu isumaqarput.

"Workshoppertitsinermi oqariartuutigineqartut Ilisimatusarfiup oqaatsit pillugit politikkiata sinaakkusersornissaanut suleriaqqinnissatsinnut tunngaviliisuulluarput", Ilisimatusarfimmi rektori Gitte Adler Reimer oqarpoq.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk