Ilisimatusarfimmi - ujarlerpoq

Ilisimatusarfiup siulersuisuinut ilaasortat avataaneersut toqqarneqarput

01.06.2020

www.naalakkersuisut.gl

Ilisimatusarfiup siulersuisuinut nutaanut ilaasortat avataaneersut Naalakkersuisunit toqqarneqarput. Siulersuisut ukiunut sisamanut toqqarneqarput 1 august-miillu sulilernissaminnut piareeqqallutik. Siulersuisut 11-nik ilaasortaqarput, taakkunaniit tallimat sulisunut sinniisuutitaapput aammalu arfinillit avataaniit ilaasortaallutik, Naalakkersuisunit toqqarneqarsimasut, sivisunerpaamik piffissaliussanut marlunnut.

"Inuiaqatigiit akuuffigisatta ineriartornerat suliassatigut piginnaasatsinnik suli annertunerusunik piumasaqarfiugaluttuinnarpoq, tassani inuusuttortavut ilinniarsimasut inuiaqatigiit pitsaasumik iluanaarutaasumillu ineriartortinneqarnissaannut pisuussutitta pingaarnerit ilagivaat. Taamaattumik Ilisimatusarfiup tunniusseqataaneratigut inuiaqatigiit iluanaarutaasumik suli ineriartortinneqarnissaat qilanaarivarput.

Siulersuisunut ilaasortaasimasut annertuumik siumullu isigisumik suliaqarsimanerannut qutsavigerusuppakka. Ilisimatusarfik taamaallaat ukiut 10-t missaanniittut ingerlaneranni soraarummeersut amerlassusaannik marloriaatinngortitsisimavoq tamannalu annertuumik suliaqarsimanermut takussutissaavoq tulluusimaarutissaallunilu.

Ilisimatusarfiup siulersuisui sulilluarnissaannik kissaappakka, aamma qinigassanngorteqqissimasut nutaanillu ilaasortanik ilaneqarnerisigut qularutiginngilara, Ilisimatusarfiup ineriartorneranik suliaqarnerup ataavartuunissaa siulersuisunit suli qulakkeerniarneqassasoq", taama oqarpoq Ilinniartitaanermut, Kultureqarnermut Ilageeqarnermullu Naalakkersuisoq, Ane Lone Bagger.

Siulersuisunut ilaasortat avataaneersut arfinillit tassaapput:

  • Svend Hardenberg, Pisortaq
  • Karsten Høy, Aningaasaqarnermut pisortaq
  • Randi Vestergaard Evaldsen, Pisiortornermi pisortaq
  • Suzanne Møller, Instituttimi aqutsisuusimasoq aamma pro-rektori
  • Malan Marnersdóttir, Professor
  • Ross Virginia, Professor

Ilaasortanit avataaneersunit arfinilinnit Malan Marnersdóttir aamma Ross Virginia 2016-imiit 2020-mut siulersuisuni ilaasortaapput.

Ilisimatusarfiup siulersuisussai nutaat toqqarneqarput. Ilaasortat avataaneersut kiisalu Ilisimatusarfimmi ilinniartut sulisullu qinigaat nutaat aggustip 1-iat 2020 aallarnerfigalugu atuutilissapput.

Ilaasortat Ilisimatusarfimmeersut tassaapput:

  • Jens Erik Kirkegaard, ilinniartunit qinigaq
  • Rikke Østergaard, ilinniartunit qinigaq
  • Lars Demant-Poort, ilisimatuunit ilinniartitsisunillu ph.d.-nngorniatullu atorfilinnit qinigaq
  • Silke Reeploeg, ilisimatuunit ilinniartitsisunillu ph.d.-nngorniatullu atorfilinnit qinigaq
  • Johanne B. Tobiassen, teknikkilerisunit allaffimmiunillu qinigaq


Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk