Ilisimatusarfimmi - ujarlerpoq

Ilisimatusarfimmi seminaarertoqarnerani saqqummersitsineq tusarnaartitsinerlu, tassanilu Meeqqat Inuusuttullu Ilaqutariinnillu Qitiusumik Ilisimatusarnermi sammineqarlutik

03.11.2020

Ulloq 28.10.20 seminaari Meeqqat Inuusuttullu Ilaqutariinnillu Qitiusumik Ilisimatusarneq pillugu Ilisimatusarfimmi ingerlanneqarpoq.

Ulloq tassani ingerlanneqartumi ingerlariaatsit ilisimatusarnerup iluani meeqqat inuusuttunut taavalu ilaqutariinnut ilisimatusariaatsinut tunngasunut aqqutit nutaat pillugit Kalaallit Nunaanni taavalu nunat immallu issittut avannarliit tunngasunik ulloq imaqarpoq, aammattaaq kusanarluinnartumik Ilimmarfiup silataani seqersartunik takutitsisoqarpoq ateqartumik Space for Memory, taannalu meeqqat inuusuttullu Maniitsuminngaanneersunit taavalu Nanortalimminngaanneersunit Tina Erngoff taavalu Søren Zeuth suleqatigalugit suliarineqarsimallutik. Tassanilu takititsinermi aamma Katsi Kim Kleist-ilu tusarneqisumik Ilimmarfiup silataani tusarnaartitsillutik (Corona pillugu inatsisit malillugit).

Seminari universitetimi direktøri Henriette Rosing-imit ammarneqarpoq, tassanilu ammaanermi oqalugiarneq rektorip Gitte Adler Reimer-imit allanneqarsimasumit ima allaqqasumit aallarnerneqarpoq:

"Tamassi tikilluaritsi ullumi Meeqqat inuusuttullu ilaqutariinnillu qitiusumik Ilisimatusarfiup seminaarertitsinerannut qulequtaqartumik Meeqqat inuusuttunillu ilisimatusarneq Kalaallit nunaanni taavalu nunat immallu issittumilu avannarlerni - 'aqqutit nutaat'. Ullumikkut programmimi meeqqat inuunerannut ilisimatusarnermik tunngaveqarnerupput saniatigullu siunnersuutit suna meeqqat inuuneranni ilisimatusariaaseq atorlugu meeqqat pisinnaatitaaffii siuarsarneqarsinnaanersut. Aammattaaq meeqqeriviup aallartisarsimanera pillugu oqalugiartoqassaaq taamatullu aamma suleqatigut Marianne Stenbæk taavalu Emily Hope Mcgill Universitetimeersut meeqqat inuusuttullu taamanikku maannakkulumullu issittumi atugarisaat pillugit oqalugiassapput. Oqalugiartussat tamarmik pingaarutilinnik meeqqat inuusuttullu ilisimatusarnerup iluani sammisaqassapput".

Meeqqat Illersuisuata Aviâja Egede Lynge MIO-minngaarneersup tiguartinnaqisumik taavalu isiginnittariaatsinik soqutiginarluinnartumik atorlugu saqqummiivoq, tassanilu eqqaaneqarpoq suut ilisimatusariaatsit atorlugu meeqqat pisinnaatitaaffii qanoq suleriuseqarfigineqassanersut pillugit siunnersuuteqarluni.

Professor Marianne Stenbaek taavalu Ilisimatusarluni assistentia Emily Hope McGill University-imeersut Zoom atorlugu saqqummiussipput. Tassanilu saqqummiuppaat: Humanistic Research with Children and Young People in the Arctic – Present and in the Future (Humanismep iluani meeqqat inuusuttullu nunat immallu issittumilu avannarlerni ilisimatusarneq - Maanna Siunissamilu). Tassanilu Inuit Nunaat pillugu ersarissumik takutitsipput taavalu ilisimasanillu najukkani ingerlanneqartuni meeqqat inuusuttullu peqatigalugit inuunerannit ilisimatusarneq atorlugu pitsannguutaasinnaasunik taavalu nuannaartitsilersinnaasunik pilersitsisinnaaneq pillugu takutitsillutik. Kandidat-itut atuartoq Ivalo Adolfsen Arnfjord ilisimatusarpoq meeqqeriveqarnerup iluani tunngasunik, taannalu qanoq perorsaariaaseq pillugu oqaluttuarisaaneq maani Kalaallit Nunaanni qanoq siuariartorsimanersoq takutitsilluni aamma tassani isumassarsianik nutaanik taavalu meeqqanut isiginnittaariaasaanik ilisimatusarnermi suleriaatsimilu takutitsilluni. Taamatut saqqummiussisoqareermallu oqallittoqarpoq aammattaaq kingusinnerusukkut gruppikkaarluni oqallissinnaanermik periarfissiisoqarluni. Tassani peqataasunut taavalu ilikkagaqarluarnartumik taavalu soqutiginaqisumik saqqummiisunut qujanaq.

Ulloq ingerlaqqippoq seqersittagaq atorlugu saqqummiineq atilik Space for Memory, tassanilu ammasumik Katsi Kleist taavalu Kim Kleist tusarnaartitsineq. Seqersittakkamik takutitsineq taavalu tusarnaartitsineq kikkunnut tamanut ammavoq. Tassanilu inuit 100-ut sinnerlugit peqataapput tassanilu peqataanerminni nuannersumik iluarusunnermillu pilersitsillutik. Seqersittakkamik takutitsineq Ilimmarfiup silataata saavani ingerlanneqarpoq.

2017-imiit massakkumullu ilisimatusarnerup iluani projekti ateqartoq Kunst og Fællesskab taavalu projekti Siunissaq, Maniitsoq suleqatigalugu, aqutsisut taavalu atuarfimmi ”Atuarfik Kilaaseeraq”-mi Ilinniartitsisut, eqqumiitsuliortut, psykologit, sexologit Ilimmarfimmilu ilinniartut suleqatigalugit workshoppit atuarfimmi Maniitsumi ingerlanneqartarsimapput.

Ataavartumik taanna suleqatigiilluni inuusuttut Maniitsumiittut suleqatigalugit ingerlasarnikuuvoq, tassanilu anguniarneqarluni atugarissaarneq nuannaarnerlu ataatsimoorluni suliniuteqarneq. Atugarissaarneq isumassuineq ataatsimoorlunilu ineriartoqatigiissinnaaneq meeqqat inuusuttunullu pisinnaatitaaffiinut tunngalluinnartunut ilaapput. Tassanilu aamma eqqumiitsuliorneq atorlugu inuusunut toqqissisimasumik inuulluataarnermillu tapersiilluarsinnaasoq.

Kingullermik workshop ingerlanerani akkunneqarpoq Memory Books-inik sananeq, taakkulu imaraat inuusuuttut inuunerminni eqqaamasaat nuannersut taavalu siunissamut kissaataat.

Tassanilu workshop-ini kingullermiit nammineerlutik sanaarisimasaminnik atuagaaraliorsimapput, tassanilu ukkatarineqarpoq inuusuttut imminneq misigisaat, inuusuttunut pineqartumut inuusuttoqatiminnullu allat misigisaannik alapernaannerat tassaasoq ineriartornissaannut pingaaruteqarluinnartoq. Tassami immineq oqaluttuarisaaneq taamatullu allat inuusuttut oqaluttuarisaanerat alapernaalluni soqutigalugu pigaanni ataqatigiissitinermik kinguneqartitsilersarmat.

Space for Memory Atuarfik Kilaaseeqqami aallartinneqartoq taavalu Qeqqata Kommuniata piujuaannartumik meeqqat inuusuttunullu toqqissisimanissaata ataatsimoorluni anguniartuarnera anguniagaasa ilagivaat. Taannalu Ilisimatusarfik-lu suleqatigilluarneratigut ilisimatusarneq taavalu ilinniarneq atorlugu ingerlanneqarsimalluni.

Taanna saqqummersitsineq Space for Memory Covid-19 nalaani pisuummat, ima malittarisassaqarpoq illup iluani amerlavallaarsinnaanngitsugut taavalu atuakkat attorneqareersimasut attorneqarsinnaanatik, taamaattumillu atuakkat seqersittakkatigut Ilimmarfiup saavani saqqummersinnaqarumaarput. Atuagartavia taamaasilluni takulluarneqarsinnaanngussalluni.

Saaffissat: Assiliinermi eqqumiitsuliortoq Tina Ernghoff mail@tinaernghoff.com taavalu Professori Peter Berliner pebe@uni.gl & 28 56 34.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk