Ilisimatusarfimmi - ujarlerpoq

Kulturimik, Oqaatsinik Oqaluttuarisaanermillu Ilisimatusarfik pisortartaarpoq

18.08.2021

Assiliisoq: Anne Chahine

Maanna Inge Høst Seiding 2021-mi aggustip aallaqqaataaniit Kulturimik, Oqaatsinik Oqaluttuarisaanermillu Ilisimatusarfimmi pisortanngorpoq.

Kulturimik, Oqaatsinik Oqaluttuarisaanermillu Ilisimatusarfimmi ilinniakkat toqqarneqarsinnaasut tassaapput Oqaasilerineq, Atuakkialerineq Tusagassiuutilerinerlu; Inuiaat Kulturiat Oqaluttuarisaanerallu; Teologii aamma Nutserisoq Oqalutsilu.

Inge Høst Seiding Inuiaat Kulturianni Oqaluttuarisaanerannilu kandidatiuvoq 2013-imilu Ilisimatusarfimmi ph.d.-nngornermi kingorna Nunatta Katersugaasiviani Allagaateqarfianilu 2016-2020 pisortaasimalluni Nunatsinnilu Nakorsaaneqarfimmi specialkonsulentiusimalluni.

Inge Høst Seiding pisortatut misilittagaqarluarpoq, ilaatigullu taamatut misilittagaqarnera aammattaarlu ilinniakkanik pilersaarusiornermik soqutigisaqarnera sammisallu tapertariissillugit ilisimatuutut misissuinermik sulisussinermillu misilittagaqarnera atorfinitsitaaneranut pingaarnertut pissutaapput.

Inge Høst Seidingip ilisimatusarfimmi tamatumani ilisimatuut ilinniartitsisullu peqatigalugit suliaqarfimmi tamatumani tunuliaquttani misilittakkanilu ilisimasaminik piginnaasaminillu atorluaasinnaassutigissavai – taamalu Nunatsinni inuiaqatigiit iluaqutissaannik Ilisimatusarfiup ilisimatusarnikkut ilinniartitsinermilu ineriartornissaanut tapiissuteqarluni.

Paasisaqarnerujumaguit attavigiuk rektori Gitte Adler Reimer.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk