Allaaserisaq: Patient participation in healthcare practice in Greenland

Allaaserisaq: Patient participation in healthcare practice in Greenland

01.06.2018

Allattoq: Tine Aagaard

Nunani killerni amerlanerpaani peqqinnissaqarfinni atuisunik napparsimasunillu akuutitsineq assigiinngitsutigut ingerlanneqartarpoq.

Allaaserisami matumani siunertaavoq Kalaallit Nunaanni peqqinnissamik ingerlatsinermi napparsimasunik akuutitsinermi tunngavissaritinneqartut umerualaarnissaat aammalu ineriartortitsinissamut periarfissanik tikkuussinissaq.

Napparsimasut ulluinnarni atugarisaat periarfissaallu aammalu napparsimmavimmut biomedicinimik tunngaveqarnerulluni ingerlatsiviusunut unitsitaasimaneranni tunngavissarititaasut umerualaarneqarput. Tunngavilersorluni kaammattuutigineqarpoq peqqinnissaqarfimmi ”akuutitsineq” pinnagu ”peqataatitsineq” tunngavigineqassasoq.

Ineriartortitsinissamut periarfissat arlallit imminnut atasut innersuussutigineqarput: Napparsimmavinnik ingerlatsinermi aaqqissuussaanikkut tunngavissarititaasut, aamma napparsimmavinni sulisut napparsimasunik peqataatitsinissamut periarfissaat, napparsimasullu unitsitaasimanerminni ulluinnarni inuuniarnerminni qanoq iliuuseqarsinnaanerat.

Biomedicinip qanoq naalagaatiginerata kingunerisai oqallissaarutigineqarput, tassami WHO-p anguniagarigaluarmagu napparsimaneq peqqinnissarlu tamatigoornerusumik isiginneriaaseqarfigineqassasut, tassami aamma nunasiaataasimanerup pissaaneqarnikkut naalagalersornikkullu sunniutai suli malunnarmata.

Naggataatigut oqaatiginiarneqarpoq napparsimasut unitsitaasimanerminni peqataatinneqarnerat napparsimasut nappaateqarlutik inuuniarnerminni iluaqutigissagaat, taamatullu aamma peqqinnissaqarfimmi sulisut kulturimik qaammaasaqarnerannut peqqinnissaqarfimmilu inuiaqatigiit oqartussaaqataanerulernissaannut iluaqutaassalluni. Allannguutit taamaattut inuiaqatigiit oqartussaaqataaffiunerusumik ineriartortitaanissaannut taamattaaq siuarsaaqataassapput – Kalaallit Nunaanni nunarsuarmilu tamarmi.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk