Ilisimatusarfimmi - ujarlerpoq

Asseq QIMMEQ ajugaasup tulleraa

01.04.2021

Assit alutornartuunermikkut kusarnartuunermikkullu ilisimatusarnerup silarsuaanut kajungernartumik tupaallannartumillu ammassisinnaassuseqarput.

Ilisimatusarnermi siuariartorneq nunarsuarmi avatangiisitsinni ullut tamaasa qanoq nutaanik ilisimasaqalersitsisarnerat ineriartortsisarnerallu Danmarks Grundforsningsfond-imip paasissutissiissutigerusuppaa.

Taamaaliorsinnaavugut ilisimatuut ilisimatusarnermi siuariartornerat pillugu oqaluttuarnikkut paasisallu assit atorlugit takusassiarinerisigut.

Aningaasaqaateqarfik taamaammat assit periarfissiinerat atorlugu uppernarsaataatitut ilisimatusarnermillu ingerlatitseqqiinertut ukiut tamaasa assinik unammisitsisarpoq.

Aningaasaateqarfiup 2020-p naanerani Danmarkimi ilisimatusarfiit tamaasa unammisitsinermut assinik aammaarluni nassiusseqquvai.

  • Asseq takunnittunut qanoq annertutigisumik misigissuseqalersitsiva
  • Asseq ilisimatusarmi paasisat aalajangersimasut pillugit oqaluttuamut qanoq annertutigisumik takutitsilersinnaatitsigiva
  • Assip kusanassusia

Nalilersuisut, Christine Buhl Andersen, fo Ny Carlsberg Fondet-imi siulittaasoq; Louise Wolthers, Hasselbladstiftelsen-imi ilisimatusarnermut akisussaasup / kuratorip; aamma Minik Rosing, GLOBE Institute-mi professorip, Danmarks Grundforskningsfond-ip siulersuisuini siulittaasup tullia Louisianap siulersuisuini ilaasortap tassunga atatillugu Carsten Egevang asseq "The Race" pillugu ajugaasup tulliatut akissarsisippaat.

Ceeg9318 The Race Carstenegevang

Asseeq tassaavoq suliaqarfiit akimorlugit ilisimatusarnerup QIMMEQ ilaa, tassani kalaallit qimmii qimuttut sammineqarlutik. Ilisimatusarnermi qimmit pinngorfiat pillugu DNA-vinik ilisimatusarneq aqqutissiuisoq ilaavoq tassunga ilanngullugit oqaluttuassartaanik annertuumik immikkuualunngorlugillu, pingaaruteqassusianik maannakkullu pingaaruteqassusianik tamanik isiginnilluni takussusissiiniarluni antroprologi, qanganisarsiorneq, uumasunik uumassusilerinermillu ilisimatusarneq ilanngullugit. Ilisimatusarnermi takussutissiornermi atortut aamma suliarineqarput, soorlu saqqummersitsinerit, filmit naatsut, Kalaallit Nunaanni meeqqat atuarfiannut atukaat aamma atuagaq assinik imalik sukisaarsaat. Ilisimatusarnerup ilaa pingaaruteqartoq tassaavoq assiliinikkut qimmip qimuttup ullutsinni atorneqarnerata uppernarsarnissaa - soorlu qimusserluni sukkaniunneq Kalaallit Nunaanni nuannarineqaleriartortoq.

Asseq Ilulissani, Kalaallit Nunaanni marsi 2018-imi nuna tamakkerlugu ukiumoortumik qimusserluni sukkaniunnermi assilisaavoq. Tassani ilisimatusaammi QIMMEQ - Ilisimatusarfiup aamma Globe Institute-p, Københavns Universitet - ilisimatusarnerani amerlasuunik workshoppertitsisoqarpoq, tassani DNA-mik misiliutinik tigusisoqarluni aamma najukkami qimussertartut peqatigineqarlutik.

Naliliisut tunngavilersuutaat:

Asseq tiguartinnartoq, misissorluarnerani qamutit sikumiittut takutinneqarlutik. Asseq ilisarnarpasippoq, sunali takutinniarneqarsoq ersarissumik takuneqarsinnaanani - tassaappat Peblingesø-mi qeerlutuut, timmissat ataatsimoorlutik timmisut imaluunniit nunami aputilimmi anorlerajuttumi assallatserinerup kinguneranik kigaalanerit. Asseq aaqqissugaalluarpoq imaliinnarlunilu sukkasuumik ingerlasoqarneranik misigititsilluni. Tassani ilisimatusarneq tunngaviusoq suliaqarfiit akimorlugit siamasissumik ilisimatusarnerunermigut alutornartuuvoq.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk