Ilisimatusarfimmi - ujarlerpoq

Atuakkat saqqummersinniakkat sisamat

01.02.2021

Ilisimatusarfimmi atuakkanik saqqummersitsinissamut aningaasaateqarfik atuakkianut soqutiginartunut sisamanut, tamarmik immikkut assigiinngilluinnartunut tunngasussanut, aningaasaleeqqammerpoq.

Kalaallit Nunaanni ukiut 300-nngortorsiornermut atatillugu atuakkiaq

Aage Rydstrøm-Poulsen Hans Egedep Kalaallit Nunaannut tikinneranit ukiut 300-nngornerat malunnartinniarlugu atuakkamik saqqummersitsinissaminut aningaasaliiffigineqarpoq. Suliniut tamanna Tips & Lotto fondimit aamma Dronning Margrethes og Prins Henriks fondimit aamma aningaasaliiffigineqarpoq.

Ungasianit ilinniartitsineq pædagogikkikkut ineriartortitsinermi atorlugu

Anders Øgaard ungasianit ilinniartitsineq pillugu atuakkamik siunissami pisariaqartinneqarneruleraluttuinnartussamik suliarinninnissamut saqqummersitsinissamullu aningaasaliiffigineqarpoq.

Kalaallit Nunaanni isumaginninnermut politikki – unammilligassat aqqutillu nutaat

Steven Arnfjord atuakkamik Kalaallit Nunaanni isumaginninnermut politikkip isumaginninnerlu pillugu ilisimatuutut misissuinerup oqaluttuarisaanerinut taakkulu pillugit ilisimasanut tunngasussamik saqqummersitsinissamut aningaasaliiffigineqarpoq. Tamakkununnga tunngatillugu saqqummersinneqarsimasut ikittuinnaapput, atuagarlu ingammik ilinniartitsinermi atorneqarsinnaassaaq.

Atuakkamik 'Displaced'-imik kalaallisuunngortitsineq

Tina Enghoff atuakkamik 'Displaced'-imik inuit nagguigisaminnik pilerfimminnillu arsaarneqartarnerat pillugu aamma sumiiffimmik kulturimillu annaasaqarneq pillugu oqaluttualiamik kalaallisuunngortitsinissamut aningaasaliiffigineqarpoq.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk