Ilisimatusarfimmi - ujarlerpoq

Greenland Policy Challenge

01.06.2020

Maajip 18-ianni 19-iannilu ilinniartut Ilisimatusarfimmeersut Harvard Kennedy Schoolimeersullu ulluni marluni workshopperput ima qulequtalimmik: 'The Greenland Policy Challenge: Bringing Together Future Arctic Leaders'.

Nunarsuarmi massakkorpiaq Covid-19-imik nappaalasoqarnera pillugu workshoppertitsineq tamarmi internettikkut ingerlavoq.

Workshoppertitsinermi ilinniartut tamarmik immikkut ilisimasallit oqalugiarnerannik tusarnaarput, workshoppinut assigiinngitsunut peqataallutik politikkimullu tunngasunik paasissutissinneqarlutik – mentorillu suleqatigalugit Kalaallit Nunaanni politikkikkut unammillernartunut assigiinngitsunut sisamanut ukununnga aaqqiissutissanik suliaqarput:

  • Silap allanngoriartornera,
  • Ilinniagaqarneq &kKulturimillu piujuartitsineq,
  • Nunanut allanut tunngasut,
  • Aningaasaqarneq niuernerlu.

Tamatuma kingorna ilinniartut sammisanut taakkununnga tunngatillugu Kalaallit Nunaata politikkikkut periusissaanik qanoq ineriartortitsisoqarsinnaaneranik isumassarsiatik immikkut ilisimasalinnut naalakkersuisunullu sinniisunut saqqummiuppaat.

 

The Greenland Policy Challenge pilersinneqarpoq Issittumi unammillernartunut aaqqiissutissanik nutaanik ineriartortitsinissaq siunertaralugu inuusuttunik siunissami siuttuusussanik katersortitsinikkut nunarsuup ilaa allanngulertorfiusoq tamanna pillugu taakkuninnga ilinniartitsisoqarsinnaaneranik aaqqiissutissanillu nutaanik imminullu akilersinnaasunik ineriartortitsinissamut tapiissuteqarnissamullu piginnaasqalersitsinnaanerannik eqqarsaat tunngavigalugu.

The Greenland Policy Challenge Harvardip Issittoq pillugu immikkut pikkorissatarfiata siullersaanut, Policy and Social Innovation in the Arcticimut, ilaavoq. Ineriartortinneqarpoq Ilinniartitaanermut, Kultureqarnermut, Ilageeqarnermut Nunanullu allanut Naalakkersuisoq peqatigalugu.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk