Ilisimasat nalituut
01.11.2022
Eqqaamajuk nittartakkatsinni podcastit nangeqattaartuliat "Ilisimasat nalituut" tusarnaartuaannarsinnaagakkit, ilaatigut maani ilinniarnerminnik naammassinnissimasut ilaat specialeliaminnik oqaluttuarinnittut tusarnaarsinnaavatit (kalaallisut).
Tassani uku tusarnaarsinnaavatit:
- Aviaq Reimer Olsen: Aviap specialeliaa Nuummi ilinniarnertuunngorniarfimmi ilinnialersut kulturinik marlunnik siumuisarnerannut tunngavoq, tamanna ilinniartut ilinniartitsisullu akornanni ajornartorsiuteqalersitsisinnaammat paatsoortitsisinnaammallu - misissuinerminilu ilaatigut G50 uterfigisariaqarsimavaa.
- Ane-Mette Broberg Damgaard: Ane-Mettep specialeliaa Kalaallit Nunaanni isiginnaartitsisoqarnermut tunngavoq - specialeliornerminili imaannaanngitsorsiorsimavoq isiginnaartitsineq tusagassiuutini allaaserineqarpiarneq ajorlunilu oqallisigineqarpiarneq ajormat.
- Camilla Kleemann-Andersen: Camillap specialeliamini kalaallisut oqaatsitsinnik taakkuninngalu atuinermi misigissuserpassuit pillugit misissueqqissaarpoq, oqarneratut ippoq: oqaatsit pillugit oqallinnermi misigissuserpassuit misigissutsinullu taakkununnga tunngaviusut eqqartortanngikkutsigit qaangernavianngikkivut.
- Heidi Rosing: Heidi specialeliamini inuusuttut inuiaqatigiit pillugit isumaannik misissueqqissaarpoq 1970-ikkunni nipilersoqatigiit Sumékkut pillugit piviusulersaarusiaq "Mumisitsinerup nipaa" takoreerlugu.
- Marianne Jensen: Marianne 1950-60-p nalaani sanaartornermi aalajangiinernut tunngaviusunik misissuivoq mannalu apeqqut pilersillugu: 'Nunasiaataanerup kinguneranik eqqugaaneq ajornartorsiutilluunniit nammineq pisuussutigisat?'.
- Angutinnguaq Olsen: Angutinnguup specialeliami itsaq ullumikkullu tuttunniartarnermik misissuivoq - siullersaallunilu Kalaallit Nunaanni Nassuttooq misissuivigaa.
- Ulunnguaq Markussen: Ulunnguaq specialeliamini misissuivoq sooq Kalaallit Nunaanni amerlanerussuteqartut namminiilivinnissaq kissaatigigaat.
- Apersuisoq: Nivi Pedersen
- Ingerlatsisoq, aaqqissuisoq isumassarsisorlu: Mudi Kramer Berthelsen
- Nipilerisoq nipilersukkallu: Fabrizio Barzanti
- Ilisimatusarfimmit suleqataasoq: Per Arnfjord
Podcastit nangeqattaartuliat "Ilisimasat nalituut" ukunannga aningaasaliiffigineqarpoq:
- Naalakkersuisut kulturikkut aningaasaliissutaat
- Sermeq puljen
- Tips & Lotto
- NunaFonden