Ilisimatusarfimmi - ujarlerpoq

Ilisimatusarfiup Ukiumoortumik Nalliuttorsiornera 2021

24.09.2021

Ilisimatusarfiup Ukiumoortumik
Nalliuttorsiornera 2021

Ilisimatusarfik nalliuttorsiutigalugu Ilisimatusarfik ulloq 24. septembari ileqquusumik ukiumoortumik nalliuttorsiorpoq. Aqqaluk Lynge ukiumoortumik nalliuttorsiornermi kalaallinik nunatsinni nunallu tamat akornanni ukiorpassuarni sullissinerminut ataqqinaataasumik doktorinngortinneqarpoq.

Aqqaluk Lynge oqalugiarnerni ataqqiniarneqarpoq, tassani ilaatigut Studieadjunktip Qivioq Løvstrømip, Kulturimik, Oqaatsinik Oqaluttuarisaarnermillu Ilisimatusarfimmi atorfitinneqartut nukarlersaasa ilaat, Aqqaluk Lyngip peqatiminut pingaaruteqassusia oqaasertalerpaa:

"Aqqaluk qasujaalluni Kalaallit, Nunallu Inoqqaavisa pisinnaatitaaffii sorsuutigisimavai, oqallorissusinilu atorluarlugu uummatit, matut aqqutillu matoqqasimasut ammartarsimallugit. Namminiilivinnermut aqqut naggorissarsimavaa sorlagut nukittorsarlugit kusanartumik sikkersinnaanngortilluta".

Ilisimatusarfiup aamma ukiumoortumik nalliuttorsiornermi ukioq manna ph.d.-nngortitsinini tanngassimaarutigaa. Ph.d.-tut allagartartaartut sisamat tassaapput:

  • Mariekathrine Poppel ilisimatuutut allaatigisaminut "Mænds vold mod kvinder i samliv"
  • Naja Carina Steenholdt ilisimatuutut allaatigisaminut "Subjective Well-being and Quality of Life in Greenland"
  • Mitdlarak Lennert ilisimatuutut allaatigisaminut "The administrative context of the Greenland primary and lower secondary school system - a governance system misaligned with learning"
  • Bonnie Jensen ilisimatuutut allaatigisaminut "Barndomshjem eller børnehjem? - Et kvalitativt studie af 38 børns oplevelser af at blive og være anbragt på døgninstitution i Grønland".

Ukiumoortumik nalliuttorsiornermi Bodil Marie Damgaard, Greenland Holdingimi Allaffissornermi Pisortaq oqalugiartuuvoq, oqalugiaatimini ilisimatusartut inuussutissarsiortullu akornanni suleqatigiinnerup pingaaruteqassusia immitsinnullu qanoq atorsinnaanerput atortariaqarnerpullu sammivaa.

Ilisimatusarfiup rektoria Gitte Adler Reimer aaqqissuussinermi qaaqqusisuuvoq, tikilluaqqusillunilu oqalugiarnermini Ilisimatusarfiup ukiuni kingullerni angunikuusarpassui sammivai: Ilinniartut aallartittut aatsaat taamatut amerlatigisut aamma immikkoortut pingaaruteqartut soorlu isumannaatsuunissamik politikki oqaatsillu sammillugit ilisimatusarfinnik nutaanik arlalinnik pilersitsineq.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk