Ilisimatuutut misissuiniarluni suliniummik allaatiginninneq

Ilisimatuutut misissuiniarluni suliniummik allaatiginninneq

03.09.2018

The Social Dynamics of
Homelessness in Nuuk

Angerlarsimaffeqannginneq Issittumi ajornartorsiutaaleraluttuinnarpoq - tamannalu illoqarfiit pingaarnersaanni Nuummi malunnarpoq, kalaallit angerlarsimaffeqannginnerat malunnarnerulluni.

Nuummi angerlarsimaffeqannginneq silarsuup sinnerani ilisarnaataasut ilaannik ilisarnaateqarpoq: assigiinngitsutigut naligiinnginneq (aningaasatigut, innuttaaqatigiinnikkut il.il.) pissutigalugu inuit Kalaallit Nunaanni illoqarfiit pingaarnersaannut noorartarput pitsaanerusunik atugaqalerusullutik.

Tamanna ajoraluartumik taakkua ilaasa angerlarsimaffeerunnerannik kinguneqartarpoq. 

Ilisimatusarfimmi ilisimatuutut misissuiniarluni suliniummi The Social Dynamics of Homelessness in Nuuk -mik taaguutilimmi ajornartorsiut tamannarpiaq sammineqarpoq.

Ilisimatuutut misissuiniarluni suliniummi angerlarsimaffeqannginneq isikkivinnit assigiinngitsorpassuarnit sammineqarpoq - Nuummi angerlarsimaffeqannginnermut tunngasut ikinngeqaat. Ilaatigut sammineqarput pisariaqartinneqanngitsutut isigineqarneq, angerlarsimaffeqanngitsut namminneq misilittagaat, pisortat saaffiginnittarfiutaannut attaveqartarneq attaveqaqatigiinnerlu - soorluttaaq sammineqartut peqqissutsikkut innuttaaqatigiinnilu atukkat angerlarsimaffeerunnermut pissutaasinnaasut.

Ilisimatuutut misissuiniarluni suliniut suli ingerlanneqarpoq - taamaattumik Nuummi angerlarsimaffeqannginneq pillugu paasisaqarnerorusukkuit linki matuma ataatungaaniittoq tuuginnassavat.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk