Ilisimatusarfimmi - ujarlerpoq

Illersornissamut ilinniarfiup Ilisimatusarfiullu qaninnerusumik suleqatigiilernerat illersornissamut ministerip Trine Bramsenip tikilluaqquaa

27.11.2019

Illersornissaqarfiup ilinniarfiata immikkoortuani aqutsisup Peter Dahlip Kalaallit Nunaannilu universitetip Ilisimatusarfiup pisortaata Gitte Adler Reimerip qininnerusumik ilisimatusarnikkut issittumilu isumannaallisaanermi politikkimi ilinniartitaanikkut suleqtigiinniarlutik isumaqatigiissuteqarput

Suliniut danskit naalakkersuisuinit Kalaallit Nunaannilu Namminersorlutik Oqartussanit tigulluarneqarpoq.

Illersornissamut ministeri Trine Bramsen Illersornissamut ilinniarfimmut novemberip sisamaani pulaartup Naalagaaffeqatigiinni, tassani Kalaallit Nunaat Danmarkilu ilanngullugit qanimut sulieqatigiinnerunissamik kissaateqarpoq:

"Naalagaaffeqatigiinnermi tamani illersornissaq ullumernit annertunerusumik toqqissisimanermut isumannaatsuunissamullu tunniussaqassaaq. Tamanna sumiiffinni assigiinngitsuni suleqatigiinnerunissamik pisariaqartitsivoq. Ilaatigut ilinniartitaanitsinnut isersinnaatitsissaagut, taamatullu Savalimmiunit Kalaallit Nunaanniillu oqariartuutigineqartunut tusarnaarnissatsinnut pikkorinnerulertariaqarluta. Taamaattumik tamatsinnut iluaqutaasinnaasumik Illersornissamut ilinniarfiup Ilisimatusarfiullu qaninnerusumik ilisimatusarnikkut ilinniartitaanikkullu suleqatigiilernerat nuannaarutigaara".

Tassanissaaq Kalaallit Nunaanni Ilinniartitaanermut, Kultureqarnermut, Ilageeqarnermut Nunanullu allanut Naalakkersuisoq Ane Lone Bagger Ilisimatusarfiup Illersornissamullu ilinniarfiup qanimut suleqatigiilernissaanut nuannaarutiginnippoq:

"Nalagaaffeqatigiit illersorneqarnerat aamma Kalaallit Nunaata illersorneqaatigaa, pissusissamisoorporlu Kalaallit Nunaat Ilisimatusarfik maanna Illersornissamut ilinniarfimmik suleqatigiinnermik pilersitsisimanera. Issittumi nunat pissaanillit unammineranni nunatta qitiusumik inissisimanera maluginiarneqarluarpoq. Issittumi allanngorneq nunat piginnaanillit kisimik susassaqarfiginngilaat, aammattaarli uagut Issittumi najugaqartuusugut Issittumillu imminnut taajortuusugut tamanna susassaqarfigaarput. Taamaattumillu issittumiittuusugut issittoq pillugu ineriartornermi ilisimasatsinnik tunniussaqarsinnaanermut periarfissinneqarnermut nuannaarutigaara, tassanilu issittsoq pillugu paarlaasseqatigiittarneq maani Kalaallit Nunaanni pisarnissaa isumagaara. Kalaallillu ilinniartut kajumissaarusuppakka maanna Ilisimatusarfiup Illersornissamullu iliniarfiup periarfissiillutik ammaanerat atorluaqqullugu".

Suleqatigiinnissamut isumaqatigiissut issittumi diplomatiimik isumannaallisaanermilu politikkikkut ilisimasanik ukkatarinniffiussaaq

Suleqatigiinnissamut isumaqatigiissummi ilinniartitaanermut ilisimatusarnermilu suleqatigiinnissamik aallaaveqassaaq, tassani atuartitsisut paarlaasseqatigiissinnaanerannik aammalu ataatsimut ilisimasanik paarlaasseqatigiinnermik aaqqissuussunikkut ingerlanneqassallutik.

Isumaqatigiissummissaaq qaninnerusumik ilisimatusarnikkut ilinniartitaanikkullu Naalagaaffeqtigiinni isumannaallisaanikkut unamminartut nutaat sinaakkutigalugit qanimut suleqatigiinnissamik pisariaqartitsivoq. Tassanngaannit Illersornissamut ilinniarfiup Ilisimatusarfiullu danskit kalaallillu oqartussaasui Illerssornissaqarfik tamaat ilanngullugu, Danmarkimi Naalakkersuisut Kalaallit Nunaannilu Namminersorlutik Oqartussat peqatigalugit ilisimasanik avitseqatigisinnaavaat.

Paasissutissat annertunerusut attavissallu 

Annertunerusumik paasisaqarusukkuit Illersornissamut Ilinniarfimmi Emilie Lykke Crillesen allaffigisinnaavat mailimut: emcr@fak.dk imaluunnit ilisimatusarfimmi Rasmus Leander Nielsen mailimut: raln@uni.gl.

Isumaqatigiissut atuutilerpoq novemberip arfineq aappaanni 2019.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk