Ilisimatusarfimmi - ujarlerpoq

Issittumi isumannaallisaanermi politikkikkut inissisimaffiit nutaat kunngeqarfimmut Danmarkimut qanoq sunniuteqassappat?

08.06.2020

Ruslandip, Kinap USA-llu akornanni pissaaneqarniunnerup kinguneranik Issittumi pissanganartorsiortoqalerpoq. Taamatut pisoqarnera naalagaaffeqatigiinnermut ilaasunit qanoq isigineqarpa? Issittumilu naalagaaffinnut, suliffeqarfinnut peqatigiiffinnullu nunap ilaanik tamatuminnga soqutigisalinnut allanut qanoq sunniuteqarsimava?

Udenrigsministeriap peqqusineratigut DIIS Issittumi pisunik isumannaallisaanermi politikkikkut inissisimaffiit aallaavigalugit akuliuffigineqarnani paasiniaaqqissaarpoq, paasisallu juunip 8-anni 2020 saqqummersinneqassapput. Ilisimatusarfimmiit Rasmus Leander Nielsen Inuiaqatigiilerinermut Immikkoortortameersoq nalunaarusioqataavoq. Paasiniaqqissaakkat Issittumi isumannaallisaanermi politikkikkut inissisimaffinnut kingullernut taakkualu kunngeqarfimmut Danmarkimut sunik unamminiagassiinerannut tunngapput.

Paasisani allaatigineqarpoq pissutsit atuutilersut naalagaaffeqatigiinnermut tamarmut, Danmarkimut, Kalaallit Nunaannut Savalimmiunullu tamanut immikkut qanoq unamminiagassiinersut. Nalunaarusiami arlalinnik innersuussuteqarpoq ukiuni aggersuni unamminiagassanik taakkuninnga qanoq pitsaanerpaamik iliuuseqarfiginnittoqarsinnaaneranik.

Paasiniaaqqissaarneq suliarineqarpoq ilisimatusartuunermit suliniummik aqutsisumit Mikkel Runge Olesenimit uku peqatigalugit: ilisimatusartuuneq Flemming Splidsboel Hansen DIIS-imeersoq; ilisimatusartuuneq Luke Patey DIIS-imeersoq; sakkutooqarnermik akusiuilluni ilisimatuutut misissuisoq sullivimmilu pisortaq Steen Kjærgaard, FAK-imeersoq; lektori Camilla Tenna Nørup Sørensen, FAK-imeersoq; adjunkti Rasmus Leander Nielsen, Ilisimatusarfimmeersoq; postdoc Marc Jacobsen, Cambridge Universitymeersoq kiisalu DIIS-imi suleqatigiinni pisortaq ilisimatusartuunerlu, Cecilie Felicia Stokholm Banke.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk