Ilisimatusarfimmi - ujarlerpoq

Nunatta kujataani Kenyamit ilinniartitsineq

01.06.2021

Andersip misissuinera
tamaat pillugu uani atuarit

Anders Øgaard Ilinniartitsinermik Ilisimatusarfimmeersoq tuluttut ungasissumiit atuarfimmi ilinniartitsinermik misissuisimavoq.

Kalaallit Nunaanni atuarfinni nunaqarfinniittuni marlunni atuartut ukiup atuarfiup ilaani piffissap sivikitsup iluani ungasissumiit ilinniartitsisartoq Kenyamiittoq sapaatit-akunneri tamaasa oqaloqatigisarsimavaat.

Atuartut tamarmik ilinniartitsisuisalu kalaaliusut peqataaffigisaannik aallarniuteqariarluni atuartut tamarmik immikkut oqaloqatigineqartarput.

Ilinniartitsisup Kenyamiittup atuartut tuluttut oqaluuttarpai, atuartullu tuluttut, kalaallisut, danskisut akisarput - aamma titartakkat ilisarnaatillu atorlugit timimikkullu takussutissiornermikkut. Oqaloqatigiinnerit minutsinit tallimaniit nalunaaquttallu-akunnera ataaseq tikillugu sivisussuseqartarput.

Ilinniagassatut anguniagaq tassaavoq atuartut tuluttut oqalussinnaalernissaat, imaluunniit tuluttut oqalussinnaaleriartornissaat.

Misissuinermi paasineqarpoq atuartut klassit qaffasissusiinit tamaneersut suliassatigullu assigiinngitsunik piginnaasallit ungasianiit atuartinneqarnertik pissarsiaqarfigilluaraat. Isummiunneqarsinnaavoq ungasianiit atuartitsineq atuartut tuluttut - misissuinermi matumani oqaatsit ilitsoqqussarinngisaasa aappaat - oqalussinnaanerannik ineriartortitsinissamut atorneqarsinnaasoq. Tuluttut piginnaasareriigaat pitsaanerulerput, oqaatsinik ilitsoqqussarinngisaminnik atuinissamut tunuarsimaarunnaarnissaat ittoorunnaarnissaallu aamma anguniarneqarmat. Taamaalillutik suliassatigut ilinniagassatut anguniakkat atuartut nammineersinnaassusiannik, nammineq ingerlatsisinnaassusiannik, attaveqarnikkut piginnaasaannik suleqateqarsinnaassusiannillu ineriartortitsinerup iluatsilluarneranik kinguneqartitsipput.

Misissuinermi aamma paasineqarpoq iluatsilluartumik ungasianiit ilinniartitsisoqassappat ingerlatsiviit arlallit suleqatigiittariaqassasut - tamannalu perorsaariaatsimi ineriartortitsinertut atuarfimmilu aaqqissuussinermik ineriartortitsinertut isigineqarluarsinnaavoq.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk